Հայաստանի՝ Եվրասիական տնտեսական միությանն անդամակցելու պատճառով հետզհետե ոչ միայն կթանկանան տարբեր տեսակի, ընդհանուր առմամբ մոտ 7000 ապրանքատեսակներ, այդ թվում դեղորայքը, որը 2018 թվականից կթանկանա 30- 35 տոկոսով, պարարտանյութերը, սերմնացուները, բեռնատարները, այլ մեր երկիրը տխուր պատմության մեջ կհայտնվի զենք-զինամթերք ձեռք բերելիս:
«Իրազեկ քաղաքացիների միավորում» հասարակական կազմակերպության համակարգող Դանիել Իոաննիսյանը Գյումրու ժուռնալիստների «Ասպարեզ» ակումբում, խոսելով ԵՏՄ-ի առաջին պտուղների մասին, ասաց. «Ռազմական ոլորտի հետ կապված բավական հետաքրքիր բացահայտում եղավ, երբ տեսա ԵՏՄ պայմանագիրը: Ստացվում է, որ այլ երկրներից զենք –զինամթերք գնելիս մեր պաշտպանության նախարարությունը ստիպված է լինելու 18-20 տոկոս մաքսատուրք վճարել ԵՏՄ բյուջե: ԵՏՄ բյուջեն միասնական բյուջե է, որը հետո բաշխվում է երկրների միջև նախապես սահմանված տոկոսադրույքներով: Հայաստանին այդ միասնական բյուջեից հասնում է 1,13 տոկոս: Հիմնական, առյուծի բաժինը Ռուսաստանինն է՝ 80-87 տոկոս , մնացածը բաշխվում է մյուս երկրներին: Այդ միասնական բյուջե Հայաստան մտնող զենք-զինամթերքից մեր պաշտպանության նախարարությունը ստիպված է լինելու մաքսատուրքեր վճարել 18-20 տոկոս՝ կախված նրանից, թե ինչ զինատեսակ է: Դա, իհարկե, խնդրահարույց է լինելու, որովհետև այդ պարագայում պաշտպանության նախարարությունը ստիպված է լինելու այդ մաքսատուրքերը չվճարելու համար զենք գնել միայն Ռուսաստանից:
Ես օրինակի համար ասեմ, որ վերջին տարիներին պաշտպանության նախարարությունը նախընտրում է զենք գնել այլ երկրներից, հեռահար հրետանիները գնում էինք Չինաստանից, ավիացիայի ամբողջ համակարգը գնել ենք Սլովակիայից և Սլովենիայից,հատուկ նշանակության զորքերի համար ամենագնացները գնում էինք Ճապոնիայից: Այս բոլոր զինատեսակների հետ խնդիրներ կլինեն, թեև մի քանի տարվա արտոնություն պաշտպանության նախարարություն ունի, այս խնդիրները հիմա չեն, որ ի հայտ են գալու, դրանք մի քիչ ուշ են գալու»,- ասաց Դանիել Իոաննիսյանը:
Կարդացեք նաև
Նունե ԱՐԵՎՇԱՏՅԱՆ
Ոչ մի ուրիշ երկիր Հայաստանի համար չի անում Ռուսաստանի արածի 1 տոկոսը: Եթե Դուք չգիտեք այդ մասին, դա արդեն Ձեր թերությունն է: Հենց Ձեզ նմաններին եթեր տալու համար էլ հարգված լրատվամիջոցները կորցնում են իրենց վստահությունը((((:
Ай,ай,ай! Опять исчез мой коммент?))))) Не понравилось?