Ռուսական «Рен ТВ» հեռուստաընկերությունը տեսանյութ էր տարածել, ըստ որի՝ հաջորդ գունավոր հեղափոխությունը լինելու է Հայաստանում: Տեսանյութում ասվում է, որ Չեխիայում միջազգային կազմակերպություն է հիմնադրվել, որը քաղաքացիական ակտիվիստներին պատրաստում է, որպեսզի նրանք Ռուսաստանում, Բելառուսում, Ղազախստանում եւ Հայաստանում պատմեն եվրոպական արժեքների մասին:
Այս մասին Aravot.am-ը զրուցեց Գյումրու ժուռնալիստների «Ասպարեզ» ակումբի նախագահ Լեւոն Բարսեղյանի հետ:
«Կարծում եմ «Рен ТВ»-ին վատ է համագործակցում ФСБ-ի հետ, որովհետեւ եթե լավ համագործակցեր, կիմանար, որ նման բան չկա, նման հող Հայաստանում չի կարող նախապատրաստվել: Հայաստանում իշխանությունները կարողացել են ամլացնել հնարավոր հեղափոխությունների դաշտը: Կարծում եմ՝ Գորիկ Հակոբյանը եւ Սերժ Սարգսյանը անհապաղ պետք է կապվեն «Рен ТВ»-ի հետ, ասեն, որ իրենք բարեհաջող վերահսկում են դաշտը, բոլոր տեղեկություններն ունեն հասարակական կազմակերպությունների դրամաշնորհների եւ եկամուտների մասին, հաջողությամբ գաղտնալսում են հասարակական կազմակերպությունների եւ հասարակական գործիչների բոլոր զրույցներն ու խոսակցությունները, որ հանկարծ «Рен ТВ»-ին չանհանգստանա: Լավագույն ճանապարհը դա է, թե չէ «Рен ТВ»-ին է այսօր անհանգստացել, վաղը «НТВ»-ն կանհանգստանա»,- ասաց նա:
Լեւոն Բարսեղյանը հավելեց, որ կարծում է՝ ներմուծվող հեղափոխությունը Հայաստանում անհնար է. «Ես լսել էի, որ թունավոր հղիություն կար, երբ Նուլանդը հանդիպեց 4-5 հասարակական կազմակերպությունների ներկայացուցիչների հետ, բայց բավականաչափ մեկնաբանեցինք, բացատրեցինք: Շատ հղի մնացին, պետք է իմանան, որ այստեղից ալիմենտ վճարող չկա, թո՛ղ իրենք ուրիշ տեղից ուզեն»:
Կարդացեք նաև
Ամի ՉԻՉԱԿՅԱՆ
