Երեկ կառավարության որոշմամբ Գյումրու Լալայան փողոցի N173/3 հասցեի կամ որ նույնն է՝ Կազաչի պոստի՝ ցարական ժամանակաշրջանում կառուցված ու ճարտարապետական արժեք ներկայացնող գնդային եկեղեցին՝ իր հարակից հողատարածքով՝ մոտ 1,5 հեկտար, անվարձահատույց օգտագործման է տրամադրվել Ռուսաստանի Դաշնության կառավարությանը: Նպատակը հոգեւոր կենտրոն կառուցելն է:
Ցավն այն է, որ այս տարածքը ռուսներին է հատկացվել առանց գյումրեցիների կարծիքը հաշվի առնելու: Ընդհանուր առմամբ, Գյումրիից 40 հեկտարից ավելի հողատարածք կա տրամադրված 102-րդ ռազմաբազային, որից գրոշ անգամ չի մտնում քաղաքապետարանի բյուջե: Եվ եթե հաշվարկենք, որ Գյումրիում մեկ քառակուսի մետր հողատարածքի վարձակալության նվազագույն արժեքը 5 դրամ է, ապա կհամոզվենք, թե ինչ ահռելի վնասներ է կրում Գյումրու տեղական բյուջեն ռուսական 102-րդ ռազմաբազայից: Ու այս թանկ նվերների դիմաց որպես հատուցում գյումրեցիները ողբում են դաժանաբար սպանված Ավետիսյանների մահը ու զայրանում ոճրագործ Վալերի Պերմյակովին համառորեն հայկական արդարադատությանը չհանձնելու համար:
Ի դեպ, նշենք, որ այս եկեղեցու վերականգնումը երկու միլիոն դոլար է պահանջում, որը մեր պաշտոնյաների ճոխ գործուղումների ֆոնին այնքան էլ մեծ գումար չէ:
Լուսանկարը՝ ՆՈՒՆԵ ԱՐԵՎՇԱՏՅԱՆԻ
Կարդացեք նաև
«Առավոտ» օրաթերթ
27.03.2015
Նման դեպքի համար է Սեւակը ասել` ՍՈՒՐԲ ՆՇԽԱՐ ՇԱՆ ԲԵՐԱՆՈՒՄ
Սակայն ամեն բան դեռ կորած չէ: Այ թուրքանման ազգը վաղ թե ուշ կործանվելու է:
Կայծակնային արագությամբ նյութը տեղափոխեցիք իմ հղման պատճառով??!!!!