«Լևոն Տեր-Պետրոսյանն իր ուղերձում կեղծում է փաստերը»,-Aravot.am-ի հարցին՝ համամի՞տ է ՀՀ առաջին նախագահ Լևոն Տեր-Պետրոսյանի ուղերձում հնչեցրած այն մտքին, թե Հայոց ցեղասպանության ճանաչումը պետք է դուրս բերվի մեր արտաքին քաղաքականության օրակարգից, «Փաստարկ» ակումբում լրագրողների հետ հանդիպմանն այսպիսի կարծիք հայտնեց «Մոդուս Վիվենդի» կազմակերպության նախագահ Արա Պապյանը:
Նա մանրամասնեց, թե այն, որ Հայոց ցեղասպանությունը ՀՀ արտաքին քաղաքականության հիմնաքարն է, Տեր-Պետրոսյանը կեղծում է, քանի որ այն հիմնաքարերից մեկն է. «Նա ասում է, որ այդ հարցը ընդհանրապես պետք է հանվի ՀՀ արտաքին քաղաքականության օրակարգից, քանի որ ամեն ինչ նոր էջից է պետք սկսել թուրքերի հետ, լեզու գտնել նրանց հետ: Ես ասում եմ, որ Հայոց ցեղասպանության ճանաչումը բավարար չէ. այն պետք է հանվի ու փոխարինվի այլ փաստաթղթերով: ՀՀ-ն տուժած երկիր է և ՀՀ-ի տարածքներն առ այսօր շրջափակված են Թուրքիայի կողմից: Աշխարհը խոսում է Հյուսիսային Կիպրոսի օկուպացիայի մասին, բայց մենք անխոս ընդունում ու ճանաչում ենք Հայաստանի սովետական սոցիալիստական հանրապետություն կոչվող վարչատարածքային միավորը՝ որպես պետական միավոր»:
Տաթև ՀԱՐՈՒԹՅՈՒՆՅԱՆ
