Լրահոս
Օրվա լրահոսը

Աշոտ Եղիազարյան. «Հայաստանում վարկերի օգտագործման արդյունավետության խնդիր կա»

Մարտ 30,2015 23:10

«Փոլիսի ֆորում Արմենիա» կազմակերպությունը հաղորդագրություն է տարածել, որում նշվում է, որ կազմակերպությունը Հայաստանի կողմից վերջերս 500 միլիոն դոլար արժողությամբ եվրապարտատոմսերի թողարկումը դիտարկում է որպես  անպատասխանատու եւ երկրի համար վնասակար:

«Կոչ ենք անում միջազգային հանրությանը և կապիտալի շուկայի մասնակիցներին դադարեցնել ֆինանսավորել Հայաստանը կառավարող ռեժիմը՝ հաշվի առնելով միջոցների յուրացման ակնհայտ ապացույցները և աղետալի տնտեսական և սոցիալական քաղաքականությունը, որ իրականացնում է Հովիկ Աբրահամյանի ոչ կոմպետենտ և կոռումպացված կառավարությունը: Հայաստանի ապագա ժողովրդավար կառավարությունները բոլոր հիմքերը կունենան՝ կուտակվող այս պարտքերը համարելու ոչ լեգիտիմ և հրաժարվելու դրանց վճարումից»,- ասվում է հայտարարությունում:

Այս մասին Aravot.am-ը զրուցեց տնտեսագետ Աշոտ Եղիազարյանի հետ: Նա նշեց, որ Հայաստանում արտարժույթի լուրջ խնդիր է առկա. «Դա պայմանավորված է երկու կարեւոր հիմնախնդիրների լուծմամբ, մեկը՝ բյուջեի հարցն է, մյուսը՝ Կենտրոնական բանկի կառույցների համալրման հարցն է: Հնարավոր է, որ տարվա կտրվածքով բյուջեում ճեղքվածք առաջանա»:

Տնտեսագետի խոսքերով՝ Հայաստանում նաեւ վարկերի օգտագործման արդյունավետության խնդիր կա. «Կարծում եմ՝ սա պարտադրված վիճակ է Հայաստանի համար: Բայց պատկերացրե՛ք, եթե դրանք չլինեն ինչպիսի վիճակ կստեղծվի: Այդ պատճառով՝ ես չէի ցանկանա դա քաղաքականացնել»:

Նա համարում է, որ դա խնդիրը չի կարող երկար ժամկետով լուծել, բայց կարող է հիմք հանդիսանալ նաեւ արտաքին քաղաքական վեկտորի փոփոխության համար:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2015
Երկ Երե Չոր Հնգ Ուրբ Շաբ Կիր
« Փետ   Ապր »
 1
2345678
9101112131415
16171819202122
23242526272829
3031