Զարգացման Հայկական Բանկը հայտնում է «Կայուն Զամբյուղ» ժամկետային ավանդի ակցիայի մասին, որը գործելու է ս.թ. ապրիլի 1-ից մինչև մայիսի 29-ը ներառյալ:
Տվյալ ավանդատեսակը ավանդատուներին հնարավորություն է ընձեռում արտարժութային փոխարժեքների տատանման պարագայում ստանալ կայուն և միևնույն ժամանակ բարձր եկամուտ:
Բանկն առաջարկում է մեկ ավանդային պայմանագրի շրջանակներում կազմել ԱՄՆ դոլար, ՀՀ դրամ և Եվրո արժույթներից բաղկացած ավանդային զամբյուղ՝ առաջարկելով ՀՀ դրամի համար՝ 14%, ԱՄՆ դոլարի համար՝ 9%, Եվրոյի համար՝ 7% տարեկան տոկոսադրույքներ: Ընդ որում ավանդատուն ինքն է որոշում զամբյուղում յուրաքանչյուր արժույթի տեսակարար կշիռը, որը սակայն ընդհանուրի մեջ պետք է կազմի առնվազն 25%:
Ավանդներն ընդունվում են 1 տարի ժամկետով: Տոկոսագումարների վճարումն իրականացվում է ժամկետի վերջում կամ յուրաքանչյուր ամիս՝ մուտքագրելով հաճախորդի բանկային/քարտային հաշվին: Ավանդներն ընդունվում են բանկի բոլոր մասնաճյուղերում: Ավանդի ներդրման նվազագույն գումարը (հաշվարկված բոլոր արժույթներով միասին) կազմում է 500,000 ՀՀ դրամ կամ համարժեք արտարժույթ:
Կարդացեք նաև
Մանրամասների համար այցելեք www.armdb.com
