Գերմանական Bild հանդեսի տեղեկություններով ՊՍԺ-ի ղեկավարությունը մոտ ժամանակներս խորհրդակցություն է հրավիրելու, որտեղ հստակեցվելու է հաջորդ մրցաշրջանի համար ակումբի տրանսֆերային քաղաքականությունը:
Ըստ աղբյուրի, ՊՍԺ-ն լրջորեն հետաքրքրված է Հենրիխ Մխիթարյանով եւ Մարկո Ռոյսով: Հայաստանի ազգային հավաքականի կիսապաշտպան Մխիթարյանին ձեռք բերելու շանսերն ավելի մեծ են, քանի որ Դորտմունդի «Բորուսիայի» հետ նրա պայմանագիրը գործում է մինչեւ 2017 թվականը, իսկ Ռոյսը բոլորովին վերջերս «Բորուսիայի» հետ պայմանագիրը երկարացրել է մինչեւ 2019 թվականը՝ առանց այլ ակումբ տեղափոխվելու հնարավորության մասին կետի:
Աշոտ ՀԱԿՈԲՅԱՆ
Լուսանկարը՝ Getty images-ի
