Ինչպես արդեն տեղեկացրել ենք, Նուբարաշենի մեկուսարանի դիմաց սպանված Դրաստամատ Հակոբջանի Թադեւոսյանի եղբոր՝ Սեպուհ Թադեւոսյանի բնակարանում խուզարկություն էր եղել այն օրը, երբ սգակիր ազգականներն ու ընկերները հոգեհանգստի արարողության էին մասնակցում:
Խուզարկությամբ ոչինչ չէր հայտնաբերվել, իսկ արձանագրության տակ չէր ստորագրել ինչպես հանգուցյալի մայրը, այնպես էլ այդ պահին որպես ներկայացուցիչ գտնվող փաստաբան Արմեն Ֆերոյանը (լուսանկարում):
Փաստաբանն Aravot.am-ին այսօր ասաց, որ պատրաստվում է բողոքարկել Դրաստամատ Թադևոսյանի բնակարանում կատարված ինչպես խուզարկության գործընթացը, այնպես էլ այդ խուզարկության կատարման համար հիմք հանդիսացած դատարանի որոշումը, որն էլ իր հերթին կայացվել է ակնհայտ կեղծ օպերատիվ տեղեկանքի հիման վրա։
«Այդ տեղեկանքով դատարանին հայտնվել է, թե իբրև օպերատիվ տեղեկություն է ձեռք բերվել այն մասին, որ գողացված ոսկյա զարդեր են պահվում Սեպուհ Թադևոսյանի բնակարանում։ Փաստորեն նման կեղծ տեղեկանք ներկայացնելով՝ ոստիկանությունը կարող է խուզարկություն կատարել ցանկացած բնակարանում, սա համարվում է ոչ օրինական, խիստ տարածում ստացած արատավոր գործելակերպ։ Ներկայացվելիք վերաքննիչ բողոքով փորձ է արվելու վերջ դնել նման արատավոր գործելակերպի շարունակական իրականացմանը»,-ասաց Ա. Ֆերոյանը։
Կարդացեք նաև
Հիշեցնենք, որ խոսքն իբրեւ երկու միլիոն ոսկյա զարդերի գողության մասին է:
Իսկ որոշումը՝ խուզարկություն կատարելու մասին կայացրել էր Շենգավիթ վարչական շրջանի ընդհանուր իրավասության դատարանը:
