Քիչ առաջ ավարտվեց ՀՀԿ գործադիր մարմնի նիստը: ԱԺ փոխնախագահ Հերմինե Նաղդալյանը նիստից հետո պատմեց, որ քննարկել են ներկուսակցական եւ ներքաղաքական հարցեր: Նրա խոսքով, նիստում անդրադարձել են նաեւ Սերժ Սարգսյանի՝ Չինաստան կատարած այցին, նշել ՀՀԿ-ի քսանհինգ ամյակը:
Հարցին, թե ԲՀԿ նախկին առաջնորդ Գագիկ Ծառուկյանի փեսային` Կարապետ Գուլոյանին Կոտայքի մարզպետի պաշտոնում նշանակելը չի՞ խոսում Ծառուկյանի եւ Սերժ Սարգսյանի հաշտեցման մասին, Հերմինե Նաղդալյանը պատասխանեց կարճ. «Նշանակման մասին որոշում է եղել, իսկ մյուս ենթադրությունները, ֆանտազիայի ժանրից են: Որեւէ մեկը չի ծնվում պաշտոնով եւ չի մահանում այդ պաշտոնում: Արտասովոր երեւույթ չկա»:
Նա վստահեցրեց, որ Գուլոյանի` ՀՀԿ-ին անդամակցելու մասին քննարկում չի եղել: Մեկ այլ հարցին, թե ինչով է պայմանավորված որոշ ՀՀԿ-ականներին պատկանող ընկերությունում սկսված հարկային ստուգումները, արդյոք ռեժիմը պատժում է յուրայիններին, ԱԺ փոխնախագահը շարունակեց. «Ռեժիմը ոչ մի բան էլ չի անում: Հարկային մարմինները նույնպես սահմանված կարգով, ըստ ռիսկայունության, ունեն ծրագիր եւ ելնելով այդ ծրագրից իրականացնում են ստուգումներ: Սա բնականոն գործընթաց է»:
Անդրադառնալով Կիպրոսի խորհրդարանի կողմից Հայոց Ցեղասպանության ժխտումը քրեականացնող բանաձեւի ընդունմանը՝ տիկին Նաղդալյանն ասաց լավ նախաձեռնություն էր հատկապես Հայոց Ցեղասպանության հարյուր ամյակին ընդառաջ: Իսկ լրագրողների հետ հանդիպումը նա եզրափակեց Ռիգայում նախատեսված Արեւելյան գործընկերության գագաթնաժողովին վերաբերող հարցով, պատասխանեց, որ ամենայն հավանականությամբ, Հայաստանը ամենաբարձր մակարդակով ներկա կլինի այդ գագաթնաժողովին:
Կարդացեք նաև
Արփինե ՍԻՄՈՆՅԱՆ
Արդեն իրենք են բառձրաձայնում, որ ՌԵԺԻՄ է: