Լրահոս
Օրվա լրահոսը

Ժակ Ռոգե. Բաքվի Եվրոպական խաղերում հայերի մասնակցությունը դրական ազդանշան է. Unhcr

Ապրիլ 08,2015 13:52

«Օլիմպիադայի միջազգային կոմիտեն միշտ սպորտի միջոցով աշխատել է խաղաղ նախաձեռնությունների վրա։ Մեկ օրինակ. առաջին Եվրոպական խաղերը շուտով կանցկացվեն Ադրբեջանի մայրաքաղաք Բաքվում»,- այս մասին, ըստ ՄԱԿ-ի՝ Փախստականների հարցերով գործակալության հետ հարցազրույցում, ասել է Օլիմպիադայի միջազգային կոմիտեի նախկին նախագահ, ՄԱԿ-ի գլխավոր քարտուղարի երիտասարդ փախստականների ե սպորտի հարցերով հատուկ բանագնաց Ժակ Ռոգեն։

Նա նաեւ հավելել է. «Չնայած երկու երկրների միջեւ առկա Լեռնային Ղարաբաղի հակամարտությանը, նախաձեռնող թիմը հաջողացրել է Հայաստանի եւ Ադրբեջանի մարզիկներին ներգրավել խաղերում։ Սա դրական ազդանշան է»։

Ժակ Ռոգեն հիշեցրել է մեկ այլ օրինակ. խաղաղապահների եւ տեղական համայնքների միջեւ Կոնգոյի Դեմոկրատական Հանրապետությունում եւ Կոնգոյի Հանրապետությունում անցկացված սպորտային միջոցառումները։ «Դրանք նպատակ ունեին ընտրություններից առաջ երկու խմբերը միացնել իրար եւ նվազեցնել թշնամությունը»։

Հատուկ բանագնացը կարծում է, որ սպորտը կամուրջներ է կառուցում։ «Այն փոխանցում է փոխադարձ հարգանքի եւ խաղաղության ուղերձ։ «Բոլոր Օլիմպիական խաղերին, որ ես մասնակցել եմ, բոլոր ազգությունների, ցեղերի, լեզուների եւ կրոնների մարզիկները իրար հետ խաղաղությամբ էին ապրում։ Սակայն այս հաղորդագրությունը կարող է երկարատեւ ազդեցություն ունենալ միայն այն ժամանակ, երբ աջակցություն ստանա քաղաքական աշխարհի կողմից»։

Պատրաստեց Աշոտ ԻՍՐԱԵԼՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2015
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930