Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արշակ Վարդանյանն այսօր հրապարակեց «Սինկոպ Փաբ» ջազ-ակումբի պատասխանատու, երաժիշտ Արտյոմ Լալայանի դատավճիռը:
Նա արդարացվեց եւ դատարանի դահլիճից տարիուկես անազատության մեջ գտնվելուց հետո բաց թողնվեց:
Հիշեցնենք, որ մեղադրող Աբրահամյանը պահանջել էր մեկուկես տարվա ազատազրկում այն բանի համար, որ 2012թ. օգոստոսի 31-ին Պուշկինի փողոցի 41 շենքի թիվ 24 հասցեում գտնվող «Սինկոպ Փաբ» ջազ-ակումբ-սրահում ծագած վիճաբանության ընթացքում ակումբի խոհանոցային դանակով դիտավորությամբ հարվածել է ակումբի հաճախորդ Էդուարդ Դուրգարյանին: Վերջինս որովայնի աջ կողային մասում ստացել է վնասվածք՝ առողջության ծանր վնաս կյանքին վտանգ սպառնացող:
Օգտվելով երաժիշտի ռուսական կրթություն ստանալու հանգամանքից գործի նյութերում դրվել էին այնպիսի ապացույցներ, որոնք հերքվեցին դատարանում:
Կարդացեք նաև
Արտյոմ Լալայանի պաշտպանությունն իրականացնում էր փաստաբան Սամվել Հովհաննիսյանը:
Ռուզան ՄԻՆԱՍՅԱՆ
Արտյոմ Լալայանը կրթություն վաղուց է ստացել, ուստի ոչ թե …օգտվելով երաժիշտի ռուսական կրթություն ստանալու հանգամանքից… , այլ …օգտվելով երաժշտի ռուսական կրթություն ունենալու հանգամանքից… Եթե նկատեցիք՝ երաժշտի, ոչ թե երաժիշտի…