Վրաստանի մայրաքաղաքում քիչ առաջ ավարտված ծանրամարտի Եվրոպայի առաջնության կանանց մրցապայքարում Հայաստանը ներկայացնող 53 կգ քաշային Աննա Գովելյանը պոկում վարժությունից հետո 81 կիլոգրամով ընթանում էր չորրորդ տեղում: Հրում վարժությունում Աննան նախ բարձրացրեց 95, այնուհետեւ՝ 97 կգ-ն, սակայն վերջին մոտեցումը 99 կլիոգրամին չստացվեց եւ մեր մարզուհին երկամարտի 178 կիլոգրաամով, ի վերջո, գրավեց 6-րդ հորիզոնականը:
Այդուհանդերձ, Աննա Գովելյանի մրցելույթը Թբիլիսիում միանշանակ հաջող է այն առումով, որ 26-ամյա մարզուհին ամբողջ 3 կիլոգրամով բարելավեց իր մարզական կարիերայի ընթացքում ցույց տված լավագույն արդյունքը:
Աշոտ ՀԱԿՈԲՅԱՆ
