Հայոց Ցեղասպանության հարյուրամյա տարելիցը հանգիստ չի տալիս ոչ միայն Թուրքիային, այլև նրա վասալ ազերիներին: Որքան էլ անհասկանալի լինի Ադրբեջանի կողմից Սլովակիայի Ազգային Խորհրդի առաջին նախագահ, հայտնի քաղաքական և հասարակական գործիչ Ֆրանտիշեկ Միկլոշկոյի նկատմամբ քրեական գործ հարուցելն, այնուամենայնիվ սա փաստ է, որը մեկնաբանման կարիք ունի: Ըստ ազերական ԶԼՄ-ների, քրեական գործը հարուցվել է համաձայն Ադրբեջանի քրեական օրենսգրքի մի շարք հոդվածների, պարոն Միկլոշկոյի կողմից կատարվածԱրցախ բազմակի այցելությունների, նրա կատարած քաղաքական հայտարարությունների և հատկապես զավեշտալի է՝ ,,Արցախը, որպես քրիստոնեության պատվար, կամ ,,ֆորպոստ,, հայտարարելու հետ կապված,,:
Այսօր, ֆրանտիշեկ Մչիկլոշկոն ԵՀՄՖի նախագահ դոկտոր Աշոտ Գրիգորյանի հետ զրույցի ժամանակ նշեց, որ նա շատ ուրախ է՝, որ ազերիներին տեղ է հասել Արցախի քրիստոնեության անառիկ բերդ լինելու գաղափարը: Սա առավել նշանակություն է ստացել հատկապես այսօրվա անհանգիստ ժամանակաշրջանում՝ Սիրիայում, Իրաքում և այլ մուսուլմանական երկրներում քրիստոնյաների և ,այդ թվում հայերի շարունակական կոտորածների հետ կապված: Ըստ պարոն Միկլոշկոյի, Ադրբեջանի այս քայլը հիանալի հնարավորություն է տալիս ողջ աշխարհին հասկանալու, թե ինչ արհավիրք է սպասվում Եվրոպային, եթե ըստ արժանավորս չգնահատվի Հայոց Ցեղասպանության փաստն ու դրան հաջորդած շարունակական ցեղասպանությունների ընթացքը չպատնեշվի և չկասեցվի այն:
Այսօր Արցախի ԱԳ Նախարար պարոն Կարեն Միրզոյանի հետ հեռախոսազրույցի ընթացքում ԵՀՄՖ նախագահ դոկտոր Գրիգորյանը խնդրեց պարզաբանում, թե ինչու՜ է այսօր արձագանքում ազերական իշխանությունը մեր այցին, երբ այն առաջին անգամ կայացել է 2010 թվականին, երբ մենք մասնակցեցինք Արցախի Ազգային Ժողովի ընտրություններին, որպես ԵՄի կողմից դիտորդներ: ԱԳ նախարարի պատասխանը հստակ էր. ,,մի փնտրեք որևէ դատողություն Ադրբեջանի կողմից կատարված քայլերի մեջ,,:
Նշենք, որ ԵՀՄՖ-ն ընդունում է ազերիների մարտահրավերը և կտրամադրի իր լավագույն միջազգային փաստաբաններին, ապացուցելու համար ազերիների կողմից ձեռնարկած քայլի անհեթեթությունը և ևս մեկ անգամ կներկայացնի ողջ աշխարհին, թե ինչ է նշանակում ազեր-թուրքական վտանգը քրիստոնեական աշխարհի համար, եթե հիմքից չկտրվի պանթուրքական գաղափարախոսությունը, որն այսօր դարձել է Թուրրքիայի իշխանությունների սնունդը:
Մամլո հաղորդագրություն
