Բլոգեր Տիգրան Քոչարյանի համոզմամբ, «Հիմնադիր խորհրդարանի» գործողությունները ուղղորդվում են դրսի ուժերի կողմից:
«Նրանց գործողություններն ավելի գլոբալ ծրագրի մաս են կազմել, բայց հիմնական խաղացողները, որոնք փորձում էին տապալել հարյուրամյակն այստեղ, հետ քաշվեցին, իսկ իրենք մնացին իրենց ծրագրով՝ որպես ամենառադիկալները: Ես ակնարկում եմ այն ուժերին, որոնք գնալու են Գալիպոլիի հաղթանակը տոնեն ամենաբարձր մակարդակով: Պետք է հետեւել՝ ում է ձեռնտու, որ Հայաստանում հարյուրամյակը տապալվի, իսկ այնտեղ բարձր մակարդակով նշվի»,- ասաց բլոգերը:
Նրա կարծիքով, «Հիմնադիր խորհրդարանի» միակ վտանգը ապրիլի 24-ին խժդժություններ անելն էր, ինչը կասեցվել է.
«Հենց անվտանգության նկատառումներով նրանց գործունեությունը սհմանափակվեց: Իսկ ապրիլի 25-ից հետո նրանք ինչ էլ կազմակերպեն արդեն հետաքրքիր չի լինի, որովհետեւ իրենք իրենց համար են կազմակերպելու: Ներկա պահին տեսնում ենք, որ Հայաստանում նույնիսկ ընդդիմադիրներից շատ քչերն են նրանց սատարում»:
Կարդացեք նաև
Տիգրան Քոչարյանի խոսքով, մինչեւ Ժիրայր Սեֆիլյանի ու ընկերների ձերբակալությունները, ինքը նրանց զգուշացրել էր՝ եթե նման ձեւով շարունակեն, ճաղերի հետեւում կհայտնվեն, բայց. «Ճիշտ իրավիճակը չեն կարողանում գնահատել կամ չեն լսում մեսիջները: Ներկա պահին ձերբակալված է առաջին էշելոնը, եթե երկրորդ էշելոնը երեւա, նրանց էլ կձերբակալեն, ժամանակավորապես կմեկուսացնեն ու բաց կթողնեն ապրիլի 24-ից հետո»:
Արփինե ՍԻՄՈՆՅԱՆ
համամիտ չեմ այս կարծիքին. «Հիմնադիր խորհրդարան»ը ուղղորդվում չեն, ոչ, արտաքին, հակա-հայ ուժերը: Այդ ուժերը պարզապես օգտվում են այս խմբակից, օգտագործում են անոր անմիտ աղմուկն ու գործողությունները: Նոյն բանը չի, բնաւ:
Էս տղու ուստերից… պարոն Գորիկյան է խոսում…
Կներեք «ուստերը» չակերտների մեջ պիտի լիներ…
Տիգրան, մենակ ՀԽ-ն չի, դրսից վարձատրվող բոլոր ՀԿ-ն էլ ուղղորդվում են հե՛նց դրսից: Ի դեպ, վաղուց ժամանակն է, որ իշխանությունները պարզեն, թե ինչու են մեր երիտասարդները շաբաթը մեկ իրենց գցում կամուրջներից,կամ կախվում: Մենք հազար անգամ ավելի վատ ժամանակներ ենք ապրել 90-ականներին, բայց նման բաներ չենք տեսել:Դրսի ուժերի սանձարձակությունը հասել է գագաթնակետին, ինչ ուզում, անում են: