Հաջորդ շաբաթ Գերմանիայի նախագահ Յոահիմ Գաուկ կարող է Հայոց ցեղասպանությունն իր անունով կոչել: Euractiv.com կայքի փոխանցմամբ՝ սա խայտառակություն կլինի Գերմանիայի կառավարության համար, որը փորձում է ցեղասպանություն բառից խուսափել: Բայց քննադատությունն անընդհատ աճում է, նույնիսկ կառավարության շարքերում:
Արդյոք նախագահ Գաուկը կարտասանի՞ այն բառերը, որից մեծ կոալիցիան, որպես հարգանքի նշան իր ՆԱՏՕ-ի բարեկամ Թուրքիայի, ուզում է խուսափել: Վերջին մի քանի շաբաթների ընթացքում աջ-կենտրոնամետ դաշինքը եւ Սոցիալ-դեմոկրատական կուսակցությունը բանավիճում են, թե ինչպես է պետք ճիշտ սահմանել Օսմանյան կայսրության կողմից 1915 թվականին իրականացված հայերի ցեղասպանությունը:
Արտաքին գործերի նախարարության ճնշման արդյունքում երկու խմբակցությունների համապատասխան դիմումը մերժվել է եւ ցեղասպանությունը բառը հանվել է տեքստի վերնագրից: Բայց հիմա կառավարությունը պետք է հաշվի նստի երկրի ղեկավարի հետ եւ ճիշտ բառեր ընտրի մարդկության դեմ կատարված հանցագործության 100-րդ տարելիցի նախօրեի երեկոյան արտասանելու համար:
Գերմանիայի նախագահը այդ երկրի քրիստոնյա եկեղեցիների հրավերով ապրիլի 23-ին Բեռլինի Մայր տաճարում կմասնակցի «հայերի, արամեականների եւ Պոնտոսի հույների դեմ իրականացված ցեղասպանության» հիշատակի միջոցառմանը, որի ժամանակ Յոահիմ Գաուկ կարճ ելույթ կունենա: Կոալիցիոն շրջանակներում նրա մասնակցությունն արդեն համարվում է հստակ նշան, որ Գաուկը ցեղասպանությունն իր անունով կկոչի:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
