Կիրո Մանոյանի կարծիքով՝ գնահատականներ կլինեն, երբ մարդիկ հասկանան, թե այդ հռչակագիրը առաջիկա քայլերի ուղենիշ է
«Նորությունն այն էր, որ սա եղավ ուղիղ եթերով, Վատիկանից»,- ապրիլի 17-ին ՀՅԴ «Արամ Մանուկյան» երիտասարդական կենտրոնում կլոր սեղան քննարկման ընթացքում հայտարարեց Հայ հեղափոխական դաշնակցություն կուսակցության Բյուրոյի անդամ Կիրո Մանոյանը:
Նրա խոսքերով՝ նորություն էր նաեւ, որ Հռոմի պապն անդրադարձել է նաեւ մյուս ժողովուրդների ցեղասպանություններին եւ շեշտել ժխտողական քաղաքականությունը փոխելու անհրաժեշտությունը. «Պատարագի ազդեցությունը մեծ էր նաեւ այն պատճառով, որ Հայաստանի եկեղեցու կաթողիկոսները հնարավորություն ունեցան ուղիղ եթերով իրենց ասելիքն ասելու: Պապի ասածի մեջ կարեւորն այն է, որ բերեց կապեց այսօր Մերձավոր Արեւելքում տեղի ունեցող դեպքերի հետ»:
Նա համարում է, որ Համահայկական հռչակագրի արժեքը հայ ժողովուրդը կգնահատի մի քանի ամիս կամ մի քանի տարի հետո. «Մինչեւ հունվարի 29-ինը շատերս ասում էինք, թե չգիտեն՝ ուղղությունն ինչն է, հանկարծ մի ուղղություն ի հայտ եկավ, որի շուրջ կա բավականին մեծ համախոհություն, եւ բացի Լեւոն Տեր-Պետրոսյանից այնքան էլ բարձր քննադատություններ չհնչեցին, պետք է փաստել, որ այնքան էլ մեծ գնահատականներ նույնպես չեղան: Կարծում եմ՝ գնահատականներ կլինեն, երբ մարդիկ հասկանան, թե այդ հռչակագիրը առաջիկա քայլերի ուղենիշ է: Կարծում եմ՝ մարդկանց մոտ նաեւ այդ ակնկալիքը կա: Եթե այդ ուղղությամբ քայլեր կատարվեն ավելի դրական գնահատական կլսենք»:
Կարդացեք նաև
Ամի ՉԻՉԱԿՅԱՆ
