Լրահոս
Օրվա լրահոսը

ՀԷՑ-ին տուգանեցին 20 միլիոն դրամով

Ապրիլ 18,2015 13:06
elektracanc

Հատուկ հաշիվներին գումար փոխանցելու փոխարեն, ՀԷՑ-ը սպառողներից հավաքագրված գումարները վճարել է բանկային իր այլ՝ «ազատ» հաշիվներին

Այսօր «Հայաստանի էլեկտրական ցանցերին» (ՀԷՑ) հանրային ծառայությունները կարգավորող հանձնաժողովը տուգանեց 20 միլիոն դրամով:

Նիստը տեւեց ընդամենը հինգ րոպե. ընկերության ղեկավար Եվգենի Բիբինը չէր ներկայացել: Հանձնաժողովի նախագահ Ռոբերտ Նազարյանը ՀԷՑ-ի ներկայացուցչից հետաքրքրվեց, թե ինչո՞ւ Բիբինը ներկա չէ, սակայն ՀԷՑ-ի ներկայացուցիչը պատասխան չուներ, տեղյակ չէր:

Իսկ ընկերությունը տուգանվեց, քանի որ ինչպես ներկայացվեց նիստի ժամանակ, ՀԷՑ-ը սպառված էլեկտրաէներգիայի դիմաց սպառողներից հավաքագրված գումարներն ամբողջ ծավալով չեն մուտքագրել ընկերության հատուկ հաշիվներին. ՀԷՑ-ն այս հատուկ հաշիվները շրջանցելով, գումարները մուտքագրել է բանկային իր այլ հաշիվներին, որտեղից հանգիստ կարող է ցանկացած գումար հանել: Հատուկ հաշիվներից արգելված է գումարներ հանել, մինչև ընկերությունը հարյուր տոկոսով չվճարի արտադրող կայաններից ստացած էլեկտրաէներգիայի ամբողջ գումարը: ՀԷՑ-ը, ըստ հանձնաժողովի, խախտել է լիցենզիայի պայմանների 4.22 կետի պահանջները եւ չի վճարել  էլեկտրաէներգիա արտադրող այն կայանների պարտքերն ամբողջությամբ,  որոնց հետ ունի պայմանագրեր:

Հիշեցնենք, որ, ըստ որոշ տեղեկությունների, ՀԷՑ-ի՝ կայաններին պարտքը կազմում է մոտ 20 միլիարդ դրամ:

Հանրային ծառայությունները կարգավորող հանձնաժողովը իրականացրած վարչական վարույթից փաստել է, ինչպես որ նիստի ընթացքում նշվեց, ՀԷՑ-ի կատարած խախտումներով, վտանգվել է համակարգի անվտանգությունն ու հուսալիությունը:

Նելլի ԲԱԲԱՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2015
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930