Լրահոս
Օրվա լրահոսը

ԵԽԽՎ նախագահն անդրադարձավ հայերի դեմ կոտորածներին

Ապրիլ 20,2015 19:25

Ինչպես արդեն տեղեկացրել ենք, Ստրասբուրգում մեկնարկել է Եվրոպայի խորհրդի խորհրդարանական վեհաժողովի (ԵԽԽՎ) գարնանային նստաշրջանը: Այս նստաշրջանի ընթացքում քննարկվելիք կարևորագույն թեմաներից են ՌԴ-ի դեմ պատժամիջոցների հարցի վերանայումը, ահաբեկչության դեմ պայքարը, Ուկրաինայում իրավիճակը:

Բացման խոսքում ԵԽԽՎ նախագահ Անն Բրասյորն անդրադարձավ այն խնդիրներին, որոնք Եվրոպայում շարունակվում են բաց՝ չլուծված մնալ և շեշտադրեց դրանցում ԵԽԽՎ-ի դերակատարության կարևորությունը:

ԵԽԽՎ նախագահը նախ անդրադարձավ Ուկրաինայի հարցին ու կրկին դատապարտեց ՌԴ-ի կողմից Ղրիմի բռնակցումը: Այս համատեքստում տիկին Բրասյորը ևս մեկ անգամ շեշտեց, որ նստաշրջանի աշխատանքների ընթացքում անդրադարձ կլինի ՌԴ-ի պատվիրակության դեմ պատժամիջոցների վերահաստատմանը: Չլուծված հարցերի շարքում տիկին Բրասյորը հիշատակեց նաև Հայոց ցեղասպանությունը:

Նա, մասնավորապես, նշեց. «Իմ այցը Թուրքիա և Հայաստան առիթ դարձավ՝ հետադարձ հայացք գցելու 100 տարի առաջ տեղի ունեցած դեպքերին: Ապրիլի 24-ին Հայաստանը հիշելու է մեկ դար առաջ տեղի ունեցած կոտորածը, և ես հարգանքի տուրք եմ մատուցում զոհերին և նրանց ժառանգներին»:

Տիկին Բրասյորի համոզմամբ՝ բռնությունները այս հարցում չեն կարող լուծում լինել:

Նշենք նաև, որ Վեհաժողովն ընտրեց նաև երկու նոր փոխնախագահներ:

Տաթև ՀԱՐՈՒԹՅՈՒՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2015
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930