«Առավոտն» այս օրերին Երեւանում գտնվող աշխարհահռչակ դիրիժոր Ջորջ Փեհլիվանյանից հետաքրքրվեց՝ երբեւէ չի՞ մտածել Հայաստանում էլ ունենալ իր մշտական ներկայությունը որեւէ նվագախմբում՝ գլխավոր դիրիժորի կարգավիճակով: Երաժիշտը տարակուսանքով պատասխանեց, որ բոլոր տեղերն արդեն զբաղված են: Երբ կատակեցինք, թե գլխավոր դիրիժորի պաշտոնը կաթողիկոսական աթոռ չէ, եւ ի վերջո բոլոր երկրներում էլ կան հրավիրյալ գլխավոր դիրիժորներ, Ջորջ Փեհլիվանյանը փոքր-ինչ մտորելուց հետո ասաց, որ նման հարցերը համապատասխան պաշտոնական խողովակներով են կարգավորվում, եւ առաջարկի դեպքում ինքը դեմ չէ նստել բանակցությունների սեղանի շուրջ:
Օրերս Ալ. Սպենդիարյանի անվան օպերայի եւ բալետի ազգային ակադեմիական թատրոնում Ջորջ Փեհլիվանյանի ղեկավարությամբ տեղի է ունեցել լայնամասշտաբ համերգ՝ նվիրված Հայոց ցեղասպանության զոհերի հիշատակին:
ՍԱՄՎԵԼ ԴԱՆԻԵԼՅԱՆ
«Առավոտ» օրաթերթ
21.03.2015
Այսօր, հայ օպերային արվեստին անհրաժեշտ է Գլյուկի նման օպերային ռեֆորմատոր, որը հայ կոմպոզիտորների հետ համագործակցելով, հիմք դնի նոր հայկական ազգային օպերային ժանրին … Հարգանքով` Աշոտ Բաբայան