Վերաքննիչ քրեական դատարանը ապրիլի 21-ին քննում է Վարդան Պետրոսյանի գործով տուժողների եւ տուժողների իրավահաջորդների բողոքը: Գործով մեղադրող Սարգսյանը հայտարարեց, որ Կոտայքի մարզի առաջին ատյանի դատարանի նշանակած պատժի չափն անհիմն է:
Նա նշեց, որ դատարանն արձանագրել է, որ Վարդան Պետրոսյանը ցուցաբերել է հանցավոր ինքնավստահություն, սակայն այն ներառված չէ նշանակված պատժաչափի մեջ. «Տրամաբանորեն վերլուծելու արդյունքում՝ պատժի մեղմ կամ խիստ լինելու հարցը որոշելիս հաշվարկելիս կլինի, որ 4-6 տարին կլինի մեղմ պատիժ, 6-8 տարին պետք է լինի միջին, իսկ 8-10 տարին՝ խիստ: Այս պարագայում դատարանն արձանագրել է, որ ամբաստանյալը գործել է հանցավոր ինքնավստահությամբ, որի արդյունքում երկու անձ զոհվել է, ամբաստանյալը չի զղջացել կատարած արարքի համար: Դատարանը նշանակել է մեղմ պատիժ՝ առանց պատճառաբանելու: Դատարանից խնդրում եմ բեկանել Կոտայքի մարզի առաջին ատյանի նշանակած պատիժը եւ նշանակել նույն հոդվածով խիստ պատիժ»:
Տուժողների եւ տուժողների իրավահաջորդների ներկայացուցիչ Ռուբեն Բալոյանը նշեց, որ համակարծիք է մեղադրող Սարգսյանի առաջարկած պատժի չափին. «Դատարանը անարդարացիորեն անտեսել է առաջացած վտանգավոր հետեւանքների ծավալը՝ 2 մահ, 4 անձանց մարմնական վնասներ, այդ պատճառով էլ պատժի չափն ընտրելիս հանգել է սխալ հետեւությունների»:
Մանրամասները՝ շուտով տեսանյութում:
Կարդացեք նաև
Տուժողներ Արթուր Հակոբյանը եւ Նաիրա Հայրապետյանը միացան բողոքներին: Արթուր Հակոբյանը իր խոսքում կոչ արեց վարորդներին չգերազանցել արագությունը եւ ղեկին ոգելից խմիչք չօգտագործել: Իսկ Նաիրա Հայրապետյանը հայտարարեց, որ իրենք ձայնագրել են այն պահը, երբ Վարդան Պետրոսյանի բարեկամներն իրենց 20 հազար դոլար են փոխանցել:
Մանրամասները՝ շուտով տեսանյութում:
Դատարանը ընդմիջում խնդրեց, այժմ դատական նիստը շարունակվում է:
Ամի ՉԻՉԱԿՅԱՆ
Վարդանը միայն տաղանդաբոր դերասան չի ,նաև ոչ պակաս ազգանվիրյալ գործիչ է…Բա դու ուր ես ,այ հայ ժողոբուրդ ,երբ ես տեր կանգնելու քո ազգային արժեքներին ,..Վրդան Պետրոսյանին չի կարելի մեկուսացնել ,նա արվեստին , ազգին նվիրված ,տաղանդավոր անհատ է ,պահպանիր ,տեր կանգնիր նրան…
Հարգելի Ամի Չիչակյան,դատախազը դատարանում`պետության անունից հանդես է գալիս որպես մեղադրող: Ուստի նա դատարանից ոչինչ չի ԽՆԴՐՈՒՄ,նա ՊԱՀԱՆՋՈՒՄ Է:Իսկ խնդրել նա կարող է միայն կաշառք: