Լրահոս
Օրվա լրահոսը

«Աստված տա, որ թուրքն էլ մարդանա ու մարդ դառնա». Ավիկ Իսահակյան

Ապրիլ 23,2015 22:07

Ավետիք Իսահակյանի թոռը՝ գրականության ինստիտուտի տնօրեն Ավիկ Իսահակյանը, հայոց ցեղասպանության 100 ամյակի նախաշեմին միջազգային հանրության արձագանքը հայոց ցեղասպանությանը ուշացած է համարում:

«Հիսուն տարի առաջ դա պետք է լիներ, բայց հիսուն տարի առաջ այն վարչակարգը, որ տիրում էր Հայաստանում եւ խորհրդային միությունում, մոռացել էին հայոց ցեղասպանությունը: Բայց ինչպես կարող էր մոռացվել երկու միլիոն մարդու ցեղասպանությունը»,- Aravot.am-ին ասաց Ավիկ Իսահակյանը:

Նրա խոսքով, ցեղասպանության նահատակների սրբադասությունը լավագույն քայլն էր նրանց հիշատակը ոգեկոչելու. «Ամբողջ աշխարհն է նշում մեր այս սուգը, եւ հայ ժողովուրդը իր կամքով ապացուցեց, որ սուգը կարող է դարձնել վերածնունդ: Աշխարհում քիչ ժողովուրդներ կան, որոնք նման սարսափելի եղեռնին դիմացան, իսկ հայերը վերապրեցին»,- մեզ հետ զրույցում ասաց Ավիկ Իսահակյանը:

Նա վստահ է, որ թուրքերը մոտ ապագայում էլ կշարունակեն ժխտողական քաղաքականությունը եւ չեն ճանաչի ու չեն դատապարտի հայոց ցեղասպանությունը. «Աստված տա, որ թուրքն էլ մարդանա ու մարդ դառնա, որովհետեւ ինչպես Թումանյանը կասեր, գազանից մարդ դառնալու նրա ճանապարհը դեռ հեռու է»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. Արթուր Ղազարեան says:

    Արփինէ ջան, որդին չի, թոռն է: Որդին Վիգէն Իսահակեանն էր:

Պատասխանել

Օրացույց
Ապրիլ 2015
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930