Ազգությամբ թուրք «Ընդդեմ ցեղասպանության» ՀԿ հիմնադիր Ալի Էրթեմը Ֆրանկֆուրտի թուրքական համայնքի ներկայացուցիչ է, գործարար, արդեն 16 տարի է պայքարում է իր ազգի ամոթալի անցյալի դեմ: Ամեն տարի գերմանաբնակ թուրքերը, որոնք Ալի Էրթեմի համախոհներն են, թուրքական դեսպանատան առջեւ ցույց են անում, որպեսզի ընդունեն Հայոց ցեղասպանությունը, ճանաչեն եւ հատուցեն:
Այսօր, «Նոյյան Տապան» մամուլի ակումբում, լրագրողների հետ հանդիպման ժամանակ, չկարողանալով զսպել արցունքները Ալին արտասվեց, եւ ասաց, որ երբ 16 տարի առաջ այս նախաձեռնությունը սկսել էին հայերը նրանց ազնվության վրա կասկածում էին: «Բայց այս 16 տարիները ցույց տվեցին, որ մենք ամեն ինչ անում ենք, որ Թուրքիայում պատմական ճշմարտության հետ առերեսում տեղի ունենա»,-նշեց Ալի Էրթեմը:
Ներկա էր նաեւ «Ցեղասպանության զոհերի հետ զորակցություն կազմակերպություն» ՀԿ-ի հիմնադիր, գրող, հրապարակախոս Ռեջեփ Մարաշլը, որն ասաց, որ Թուրքիան գերեզմանոց է տարբեր մշակույթների համար, եւ երբ նա տեսնում է, թե այդ ամբողջ ծանրությունը հայն իր ուսերին ինչպես է տանում ինքն իրեն հարց է տալիս՝ իսկ ես ի՞նչ եմ անում:
Մանրամասները տեսանյութում.
Կարդացեք նաև
Անուշ ՄԱԹԵՎՈՍՅԱՆ
Ապագան ժաողովուրդներինն է, կառավարությունները գնալու են, ժողովուրդները մնալու: Պետք չի այդքան էներգիա ծախսել ինչ որ Օբամայի, Էրդողանի վրա:
ԹՈՒՐՔՅԱՆ ԸՆԴՈՒՆԵՑ ՀԱՅՈՑ ՑԵՂԱՍՊԱՆՈՒԹՅՈՒՆԸ ՓՈԽՀԱՏՈՒՑՈՒՄԸ ԹՈՌՆԵՐԻՆ ՈՒ ԵՐԵԽԵՔԻՆ ՊԵՏՔ Է ԼԻՆԻ ԱՇԽԱՐՀԸ ԴԱՏԱՊԱՐՏԵՑ ԹՈՒՐՔԵՐԻՆ