Լրահոս
Օրվա լրահոսը

Սամվել Բալասանյանը Չինաստանի դեսպանի մոտ գովազդեց իր գարեջուրը ու նրան «կլկլան» նվիրեց (Տեսանյութ)

Ապրիլ 27,2015 15:53

Այսօր ճանաչողական այցով առաջին անգամ Գյումրիում էր ՀՀ-ում Չինաստանի նորանշանակ արտակարգ եւ լիազոր դեսպան Թյան Էրլուն: Վերջինս Գյումրի էր եկել իր կնոջ ուղեկցությամբ, ու թեեւ նա իր հետ նաեւ թարգմանիչ էր բերել, որը դեսպանի խոսքը թարգմանում էր ռուսերեն քաղաքապետարանի աշխատակիցների համար, սակայն պարզվեց դեսպանը շատ ավելի ազատ էր շփվում ռուսերենով, քան նրա թարգմանիչը:

Գյումրու քաղաքապետը խոսեց հնարավոր համագործակցության մասին, սակայն շեշտը դրեց Մետաքսի ճանապարհի վրա, որը ժամանակին անցել է Գյումրիով: Քաղաքապետն ասաց, որ ինքը այս հարցով եղել է Սիանում, մասնակցել խորհրդաժողովի, սեպտեմբերին նորից կգնա, արդեն իսկ հրավերք ունի: Դեսպանն իր հերթին լրագրողների հետ զրույցում նշեց, որ շուտով Չինաստանի հին մայրաքաղաքից՝ Սիանից Գյումրի կժամանի պատվիրակություն Մետաքսի ճանապարհի հարցով ու կսկսվի համագործակցություն:

Chinastan_2 Chinastan_3

Գյումրու քաղաքապետը Չինաստանի դեսպանին երբեմն զարմացնում էր Չինաստանի մասին իր գիտելիքներով: Գյումրու քաղաքապետն ասաց, որ ինքը պատրաստ է Գյումրիում մեկ քառակուսի մետր հողատարածքը 1 դրամով վարձակալության տալ կամ իր խոսքերով ասած մեկ ցենտով, միայն թե չինացիների հետ մետաքս արտադրելու գաղափարը իրագործվի, Գյումրին դառնա այն արդյունաբերական կենտրոնը, որն իր արտադրանքը մատակարարի ողջ տարածաշրջանին՝ Թուրքային, ինչու չէ Ադրբեջանին ու նաեւ Եվրոպային: «Աստված տա մետաքսի արտադրություն սկսվի Սիանից ու հասնի Գյումրի»,- ասաց քաղաքապետը:

Սամվել Բալասանյանը Գյումրու մասին խոսելիս չմոռացավ գովազդել իր գարեջուրը: Նա ասաց. «Գյումրի գարեջուրը բրենդ է, կգաք երեկոյան, կխմեք ու կհամոզվեք»,- ասաց գործարար քաղաքապետը:

Իսկ հանդիպման ավարտին Սամվել Բալասանյանը հյուրերին Գյումրու մասին գրված գրքեր ու մուշուրբա նվիրեց, միաժամանակ բացատրեց, որ մուշուրբան երգող բաժակ է, կլկլում է ջուր խմելու ժամանակ: Դեսպանը, վերցնելով կլկլան բաժակը կատակեց, թե վստահ եմ, որ երբ խմենք, նաեւ կերգենք:

Մանրամասները՝ տեսանյութում:

Նունե ԱՐԵՎՇԱՏՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2015
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930