Այսօր Գյումրու «Հոկտեմբեր» կինոդահլիճում ցուցադրվեց «Ժառանգություն» կուսակցության առաջնորդ Րաֆֆի Հովհաննիսյանի որդու՝ ռեժիսոր Կարին Հովհաննիսյանի «1915» ֆիլմը, որը նկարահանվել էր Լոս Անջելեսում ռեժիսոր Ալեք Մուհիբյանի հետ համատեղ: Գյումրի էին եկել Րաֆֆի Հովհաննիսյանը, նրա որդին ու գլխավոր դերակատարներից մեկը՝ Անժելա Սարաֆյանը:
Նախքան ֆիլմի ցուցադրումը «Ժառանգության» առաջնորդն ասաց. «Բազմաշերտ ֆիլմ է, ձեր ֆիլմն է, թո՛ղ ամեն մեկը ինքն իրեն տեսնի այստեղ, ձեր համար է կառուցված, Գյումրիի համար, մեր երիտասարդության համար»: Կարին Հովհաննիսյանն էլ ասաց, որ Գյումրին իր համար հզոր լիցքերի աղբյուր է: «Մեր ֆիլմը ցավի մասին է, այնչափ ցավ, որ ժամկետ չունի, ցավ, որ կարող է լինել 27 տարեկան, 100 տարեկան, բայց այդ ցավն ու այդ ստվերը մեզ շարունակում են հետեւել ու հետապնդել: Ապագային անցնելու միակ ձեւն անցյալն է՝ բարի գալուստ 1915 թիվ»:
Կարդացեք նաև
Ֆիլմում 1915 թվականի անմեղ նահատակների ուրվականներ էին պտտվում հերոսների շուրջ, ողջ մնացածների միջոցով արդարություն էին պահանջում, թշնամուց պահանջում էին առերեսվել ճշմարտությանը: Անընդմեջ հնչում էր այն միտքը, որ պատմության հետ մեր հաշիվները դեռ մաքրված չեն: Նշենք, որ դահլիճը բավական լեցուն էր, ֆիլմի ավարտից հետո սկսվեցին քննարկումներ:
Նունե ԱՐԵՎՇԱՏՅԱՆ
Հաճելի դերասանուհի է,,