Լրահոս
Օրվա լրահոսը

ԲՀԿ նախագահը արգելել է իր նկարները փակցնել կուսակցության տարածքային գրասենյակներում

Ապրիլ 28,2015 13:12

Մեր տեղեկություններով, ԲՀԿ նախագահ Նաիրա Զոհրաբյանը կտրականապես արգելել է իր լուսանկարները փակցնել կուսակցության տարածքային կառույցների գրասենյակներում, ինչպես գրեթե բոլոր կուսակցություններում է արվում։ Ավանդույթի համաձայն՝ հայաստանյան գրեթե բոլոր կուսակցությունների կենտրոնական եւ տարածքային կառույցների գրասենյակներում փակցնում են կուսակցության ղեկավարի մեծադիր լուսանկարը։

Մեզ հետ զրույցում Նաիրա Զոհրաբյանը հաստատեց տեղեկությունը, նշելով, թե ինքը, որպես ԲՀԿ նախագահ, նպատակահարմար է գտնում, որ կուսակցության թե՛ կենտրոնական գրասենյակում եւ թե՛ տարածքային կառույցների գրասենյակներում փակցվի բացառապես Հայաստանի զինանշանն ու լինեն ՀՀ եւ ԲՀԿ դրոշները։

Ի դեպ, ԲՀԿ խմբակցության սենյակում շարունակում է փակցված մնալ Գագիկ Ծառուկյանի լուսանկարը։ Նաիրա Զոհրաբյանը դա միանգամայն նորմալ է համարում, հիշեցնելով, որ Գագիկ Ծառուկյանը «Բարգավաճ Հայաստան» կուսակցության հիմնադիր նախագահն է։

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2015
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930