Գեղանկարիչ Հաղթանակ Շահումյանն ու քանդակագործ Ֆերդինանտ Առաքելյանն այսօր՝ ապրիլի 30-ին, «Հայելի» ակումբում անդրադարձան Հայոց ցեղասպանության 100-րդ տարելիցին ու հետագա անելիքներին:
Ֆերդինանտ Առաքելյանը հիշատակման միջոցառումների անցկացումը հրաշալի որակեց, միայն թե տարակուսանք հայտնեց. «Եթե կարող էին այսպես կազմակերպել, ինչո՞ւ չէին անում մինչ այժմ»:
Հաղթանակ Շահումյանն էլ կարծիք հայտնեց, որ այդ միջոցառումները երկիրը աշխարհին պատշաճ ներկայացնելու հնարավորություն էին: Գեղանկարիչը տպավորված է հատկապես ժողովրդի միասնականությունից ու կարեւոր պահերին բռունցքված լինելուց:
Ֆերդինանտ Առաքելյանի խոսքերով էլ, մեր ազգային հարստությունը լավագույնս գնահատել է Հռոմի Պապը: «Մենք Հռոմի Պապին չխնդրեցինք այդպիսի շնորհներ տալ: Նա արեց իր նախաձեռնությամբ»,- նշեց քանդակագործը:
Հիշեցնենք, որ Վատիկանի Սուրբ Պետրոսի տաճարում Հռոմի Պապ Ֆրանցիսկոսի կողմից մատուցվել էր պատարագ՝ նվիրված Հայոց ցեղասպանության 100-րդ տարելիցին, նա նաեւ միջազգային հանրությանը կոչ էր արել`անվերապահորեն ճանաչել Հայոց Ցեղասպանությունը:
Գոհար ՀԱԿՈԲՅԱՆ
