Գերմանիայի Դորտմունդ քաղաքի Վեստֆալիան դահլիճում դիմելով այդ երկրում ապրող թուրքերին, Թուրքիայի վարչապետ Ահմեդ Դավութօղլուն բարձր է գնահատել Գերմանիայի եւ Թուրքիայի «պատմական» եւ «բարեկամական» կապերը:
Turkishweekly.net-ի փոխանցմամբ՝ նա կտրուկ քննադատության է ենթարկել Գերմանիայի խորհրդարանում անցած ամիս սկսված նախաձեռնությունը, որը նախատեսում է Օսմանյան կայսրությունում հայերի ջարդերն անվանել ցեղասպանություն:
Դավութօղլուն ասել է, թե Թուրքիայի կառավարությունը երկար ժամանակ բաց է եղել այդ խնդրի շուրջ ցանկացած բանավեճի համար եւ աջակցել է Հայաստանի հետ հաշտեցման գործընթացին, բայց արժանացել է երրորդ երկրների քաղաքական դրդապատճառներով առաջացած ընդդիմադիր քայլերին:
«Եթե այդ մարդիկ չեն նայում իրենց սեփական պատմությանը, բայց փորձում են մեզ դասեր տալ, մենք իրենց պարզ եւ բաց ասում ենք: Մենք մեր պատմությունը, մեր պատիվը քննարկման առարկա չենք դարձնի»,- մասնավորապես ասել է նա:
Կարդացեք նաև
Նա նաեւ խիստ քննադատության է ենթարկել Գերմանիայի օրենսդիրներին, որոնք պնդում են, թե Գերմանիայի դպրոցներում ցեղասպանության վերաբերյալ դասեր պետք է լինեն, որպեսզի բարձրացվի թուրք երեխաները ինտեգրումը: «Ոչ ոք չի կարող մեր երեխաներին մի ծրագրով կրթել, որը սեւացնում է մեր պատմությունը»:
Պատրաստեց Աշոտ ԻՍՐԱԵԼՅԱՆԸ
Բացեիբաց հաթաթա է տալիս Գերմանիայի կառավարությանը,գիտակցելով,որ այդ թուրք աշակերտները Գերմանիայի քաղաքացիներ են,իսկ ինքը անմիջականորեն միջամտում է այս երկրի ներքին գործերին: Գուցե գիտի՞ որտեղ ինչ է ասում: