Ռուսաստանի ֆուտբոլային միության 1-ին փոխնախագահ Նիկիտա Սիմոնյանը պատրաստ է ստանձնել այդ պաշտոնը, եթե Նիկոլայ Տոխստիխը հեռանա: Լեգենդար ֆուտբոլիստն այս մասին հայտարարել է ռուսաստանյան ԶԼՄ-ներին:
Ապրիլի 29-ին կայացած ՌՖՄ գործկոմում որոշվել է միության մայիսի 31-ին կայանալիք համագումարի օրակարգ մտցնել Նիկոլայ Տոլստիխի լիազորությունները վաղաժամկետ դադարեցնելու մասին հարցը: Դրա համար պահանջվելու է մասնակիցների կեսից ավելիի ձայնը: Եթե Տոլստիխը հեռացվի, ՌՖՄ նախագահի պաշտոնակատարի պարտականությունները կդրվեն 1-ին փոխնախագահի վրա: «Ես չէի ցանկանա, որ բանը դրան հասներ: Բայց եթե անհրաժեշտություն առաջանա, ստիպված կլինեմ», – հայտարարել է Նիկիտա Սիմոնյանը:
Աշոտ ՀԱԿՈԲՅԱՆ
Լուսնկարը՝rusfootball.info-ի
