Կոտայքի մարզի ընդհանուր իրավասության դատարանի հունվարին կայացրած դատավճռի դեմ դատախազ Արթուր Սարգսյանի, տուժողներ Հակոբյանների, Հայրապետյանի, տուժողների իրավահաջորդի ներկայացուցիչ Ռուբեն Բալոյանի բողոքներն այսօր մերժեց ՀՀ վերաքննիչ քրեական դատարանը:Օրինական ուժի մեջ մնաց առաջին ատյանի դատարանի դատավճիռը, համաձայն որի Վարդան Պետրոսյանը դատապարտվել էր ազատազրկման հինգ տարի ժամկետով:
Հրապարակվեց Վարդան Պետրոսյանի գործով վճռաբեկության կարգով քննված գործով դատական ակտի եզրափակիչ մասը:
Տուժողի իրավահաջորդի ներկայացուցիչ Նաիրա Հայրապետյանն ասաց, թե բողոքելու են ՀՀ վճռաբեկ դատարան: «Այդ բարեկամներն իրա, որ մինչեւ այսօր գալիս-նստում են իր կողքը, դատարանի միջանցքում, առաջին ատյանի, դուրս եմ եկել, ասել են՝ մենք գիտենք, որ ինքը խմած է եղել, դեպքը ոնց է եղել»:
Կարդացեք նաև
Այսօր Նիկոլայ Բաղդասարյանը դատարան ներկայացրեց պայմանագրի մի ձեւ, համաձայն որի «Գրացիա» բուժհաստատությունում տուժող Տաթեւիկ Հակոբյանի հետազոտման, բուժօգնության ծախսերը Վարդան Պետրոսյանի կողմից կարվեն այն ժամանակ, երբ նա ներկայանա այդ բուժհաստատություն:Պայմանագիրը կցվեց քրեական գործի նյութերին:
Այս կապակցությամբ Ռուբեն Բալոյանը դատական քննության ժամանակ ասաց, թե դրանք ձեւական թղթեր են, իսկ Արթուր Հակոբյանն էլ դրսում ասաց.«Ինչ հաշտվել, երկու երեխուս տվել , սպանել է: Թող երեխեքիս բերի՝ հաշտվեմ»,իսկ Նաիրա Հայրապետյանն էլ ասաց՝ «ինքը դերասանություն է անում»:
Արթուր Հակոբյանն ասաց.«Դուք առաջին օրվանից մեր հետ եք:Ինքը չգիտի՞ էրեխուս կոտրվածքը: Հենա դատական եզրակացությունը կա, ամեն ինչն էլ կա:Ուզում եք եկեք, սաղ եզրակացությունները տամ»: Ի դեպ, տուժողները հայտարարեցին.«Մենք լավ էլ գիտենք, թե իր խմածությունը ով էլ արել է:Ով ծածկել է, եկել, մեզ տեսել է:Այդ հետո կասեմ»:
Ռուզան ՄԻՆԱՍՅԱՆ
