Էստոնիան չի ճանաչում Լեռնային Ղարաբաղի անկախությունը եւ այդ պատճառով այնտեղ մայիսի 3-ին անցկացված խորհրդարանական ընտրությունների արդյունքներն օրինական եւ իրական չի համարում:
«Postimees»-ի փոխանցմամբ՝ Էստոնիայի արտաքին գործերի նախարար Քեյթ Պենտուս-Ռոզիմաննուսն ասել է, թե, հետևաբար, պետք է միջազգային բանակցությունների միջոցով լուծել Լեռնային Ղարաբաղի հակամարտությունը եւ երաշխավորել ամբողջ տարածաշրջանի անվտանգությունն ու կայունությունը:
«Բանակցությունները պետք է որոշեն Լեռնային Ղարաբաղի ապագան, տարածաշրջանի կարգավիճակը չի կարող վնասվել անօրինական ընտրությունների անցկացման պատճառով»,- ասել է նախարարը եւ հավելել, թե Էստոնիան սատարում է ԵԱՀԿ Մինսկի խմբին:
Պատրաստեց Աշոտ ԻՍՐԱԵԼՅԱՆԸ
