Հայաստանում Լեհաստանի դեսպան Եժի Նովակովսկին անդրադարձավ այս ամսվա վերջին Ռիգայում նախատեսված ԵՄ արևելյան գործընկերության գագաթնաժողովին: Այն հարցին, թե ի՞նչ կարող է ակնկալել ԵՏՄ անդամ Հայաստանը, եթե նույնիսկ եվրոասոցացված Վրաստանն ու Ուկրաինան չեն ստանում ազատ վիզային ռեժիմ, դեսպանը պատասխանեց. «Անկեղծ ասած, դա այնպիսի մի գործընթաց է, որ կախված է բազմաթիվ գործոններից, յուրաքանչյուր երկրին ներկայացված է պահանջների մի ցանկ, եթե տվյալ գործընկերը կամ պետությունը բավարարում է այդ պահանջները, ապա վիզային ազատ ռեժիմի գործածությունը հնարավոր է: Դուք նշեցիք Վրաստանի և Ուկրաինայի օրինակը, բայց կա նաև Մոլդովայի օրինակը, որի դեպքում արդեն գործում է ազատ վիզային ռեժիմը»:
Նրա խոսքով, ազատ վիզային ռեժիմը բարդ ու երկարատեւ գործընթաց է. «Վիզաների տրամադրման գործընթացը դյուրացնելուն, դա կախված չէ արեւելյան գործընկերության ծրագրից, դրանք միաժամանակյա գործընթացներ են, որոնց պետությունները կարող են մաս կազմել»:
Ինչ վերաբերում է Հայաստանին, պարոն Նովակովսկին ասաց. «Լիահույս եմ, որ Ռիգայի գագաթնաժողովին Հայաստանը կհասնի սերտ համագործակցությանը Եվրամիության հետ: Մենք միանշանակ այն ջատագովներն են, որոնք կողմ են, որ Հայաստանը կարճ ժամկետներում սերտ հարաբերություններ ունենա Եվրամիության հետ: Իհարկե, ԵՏՄ-ին Հայաստանի անդամակցությունը չի կարող դյուրացնել գործընթացը, քանի որ, ինչ վերաբերում է տնտեսական մասին, անդամակցությունը ինքնին դժվարացնում է այդ բարեփոխումների իրագործումը Հայաստանի դեպքում»:
Արփինե ՍԻՄՈՆՅԱՆ
Ай,ай,ай! Не надо оправдываться,г. посол ! Вы сами не знаете,что делаете! Поделили людей на “категории”-первая ,вторая,………..десятая, и называете это “сотрудничеством”??((((((((((( А еще говорите о правах человека! Не надо! Дураков нет!