Թեհրանը եւս մեկ անգամ վերահաստատել է Լեռնային Ղարաբաղի հակամարտության վերաբերյալ Բաքվի դիրքորոշմանը իր աջակցությունը: Իրանի արտաքին գործերի նախարարության մամուլի քարտուղար Մարզի Աֆհամը նշել է, որ Իրանը հրաժարվում է ճանաչել մայիսի 3-ին Լեռնային Ղարաբաղում կայացած խորհրդարանական ընտրությունները:
Ադրբեջանական «Azernews»-ը հղում կատարելով այդ երկրում Իրանի դեսպանատան մամուլի հաղորդագրությանը՝ նշում է, թե Աֆհամը ասել է. «Մենք հավատում ենք, որ այդպիսի շարժումները տարածաշրջանային խնդիրների լուծման ճանապարհները ավելի դժվար եւ բարդ են դարձնում»:
Նա նաեւ ասել է, թե Իրանի Իսլամական Հանրապետությունը դեմ է ցանկացած գործողության, որը կարող է տարածաշրջանի կայունությանը, անվտանգությանը եւ խաղաղությանը վնասել:
Պատրաստեց Աշոտ ԻՍՐԱԵԼՅԱՆԸ
