Երեւանի քաղաքապետարանի «ՀայԱրտ» մշակութային կենտրոնում Հայաստանում առաջին անգամ կազմակերպվել է «Արվեստ Էքսփո» ցուցադրություն: Այսօր՝ մայիսի 19-ին կայացավ «Արվեստ Էքսփոյի» բացումը: Մասնակցում են ավելի քան 50 նկարիչներ արտասահմանից, այդ թվում՝ Շվեդիայից, Հոլանդիայից, Գերմանիայից, ԱՄՆ-ից, նաեւ Սփյուռքից և Հայաստանից: Ներկայացված է 130 աշխատանք: Ցուցահանդեսի կազմակերպիչը եւ գլխավոր համադրողն է Վագո Արմենոն:
Ինչպես Aravot.am-ի հետ զրույցում նշեց «ՀայԱրտ» մշակութային կենտրոնի տնօրեն Ռիտա Շառոյանը, Վագո Արմենոն եկել է «ՀայԱրտ» ու ասել, որ նման մտահղացում ունի, բայց միայնակ չի կարող իրագործել. «Մենք սիրով միացանք նրա նախաձեռնությանը: Այս էքսփոն մարդկանց միավորելու ձեւ է՝ արվեստի միջոցով եւ կարծեմ թե շատ դրական է ազդում այցելուների տրամադրության վրա»:
Գոհար ՀԱԿՈԲՅԱՆ
