ՀՖՖ տեխնիկական կենտրոն ֆուտբոլի ակադեմիայում լրագրողները նշելով, որ Թուրինի «Յուվենտուսը» 12 տարվա ընդմիջումից հետո մոտ օրերս Չեմպիոնների լիգայի եզրափակչում հանդիպելու է «Բարսելոնի» հետ, ՈՒԵՖԱ-ի նախագահ Միշել Պլատինիից հետաքրքրեցին, թե ի՞նչ զգացողություն ունի, եթե հաշվի առնենք, որ կարող է գավաթը հանձնել իր հարազատ թիմին:
«Դժվար է այդ հարցին պատասխանել: Հուսով եմ՝ մրցավարը չի սխալվի «Յուվենտուսի» օգտին, որպեսզի հետո չասեն, թե իմ մեղավորությունն էր: Ես կարծում եմ, որ իտալական թիմը բարձր ֆուտբոլի ճանապարհին է: Ես չեզոք եմ, Ես ՈՒԵՖԱ-ի նախագահն եմ», – պատասխանեց Միշել Պլատինին:
Աշոտ ՀԱԿՈԲՅԱՆ
