Լրահոս
Օրվա լրահոսը

«Մինչև հիմա երեխաները չեն մոռանում, թե ինչպես են իրենց աչքի առաջ իրենց մորը սպանել»

Մայիս 22,2015 17:14

Երեք տարի առաջ ամուսնու կողմից սպանված 35-ամյա Դիաննա Նահապետյանի հարազատները մտահոգված են, որ սպանություն կատարած նրա ամուսինը` Վոլոդյա Մուրադյանը, ամեն ինչ անում է, որ թեթև պատիժ կրի: Տուժողի իրավահաջորդի ներկայացուցիչ Նարինե Մկրտչյանը «Մեդիա կենտրոնում» հրավիրված քննարկմանը տեղեկացրեց. «Վոլոդյա Մուրադյանն ամենատարբեր եղանակներով արդեն դիմել է քայլերի, որպեսզի թեթևացնի իր պատիժը: Այժմ ընթանում է երրորդ փորձաքննությունը, հույս ունենք, որ գոնե այս փուլում բռնարարը ստանա իր արժանի պատիժը»:

Տուժողի՝ Դիաննայի մայր Վալյա Նահապետյանի միակ ակնկալիքը արդար դատավճիռն է: Նա նշեց. «Ուզում են մեղմացնել պատիժը, իսկ ես ուզում եմ, որ նա պատժվի խստագույնս իր կատարած հանցանքի համար: Իմ աչքի առաջ են երկու որբացած երեխաները, նրանք մինչև հիմա էլ չեն կարողանում չհիշել, թե ոնց են իրենց մորը դաժանաբար սպանել, թե ինչպես է մի կերպ մայրը մի պահ աչքերը բացել, ասել, թե փախեք գնացեք, որ ձեզ չհասնի»:

«Հասարակություն առանց բռնության» ՀԿ-ի ծրագրի համակարգող Սոնա Հովակիմյանը ներկայացնելով վիճակագրությունը, նշեց, որ ընտանեկան բռնության արդյունքում իրականացված սպանություններն աճել են. «2013-ին այդ թիվը 5-ն էր, 2014-ին` 11: Այս պատկերի պատճառներից է նաև այն, որ մինչև այսօր չունենք ընտանեկան բռնության կանխարգելման օրենք, մեր երկիրը չունի համապատասխան մեխանիզմներ դրանց կանխարգելման համար»:

Տաթև ՀԱՐՈՒԹՅՈՒՆՅԱՆ

Լուսանկարը` «Մեդիա կենտրոնի»

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2015
Երկ Երե Չոր Հնգ Ուրբ Շաբ Կիր
« Ապր   Հուն »
 123
45678910
11121314151617
18192021222324
25262728293031