Մեկնարկեց «Ոչ թալանին» նախաձեռնության իրազեկման ավտոերթը: Նախաձեռնությունը նախատեսում է Երեւանի վարչական շրջանների բակերում քաղաքացիներին իրազեկել մայիսի 27-ին նախատեսված հավաք-երթի մասին:
Նախաձեռնության անդամները պատրաստվում են Իսակովի պողոտայով շարժվել Մալաթիա-Սեբաստիա համայնք այնտեղից Աջափնյակ եւ Արաբկիր համայնքներով կգնան Նոր Նորք, որտեղ էլ կավարտեն ավտոերթը:
Նախաձեռնության անդամ Վաղինակ Շուշանյանը լրագրողների հետ զրույցի ընթացքում ասաց, որ ավտոերթը ոգեւորություն է տալիս. «Այսօր հիմնականում շրջելու ենք ոչ թե Կենտրոնում, այլ քաղաքի ծայրամասային հատվածներում: Պատրաստվում ենք բակերում կանգնել, խոսել, թռուցիկներ բաժանել, քարոզչություն կատարել»:
Նա նշեց, որ դեռ քաղաքական ուժերը դեռ չեն միացել նախաձեռնությանը, սակայն նրանցից ոմանք կոչ են արել համայն հայությանը միանալ նախաձեռնությանը. «Բայց ես չեմ ուզում, որ այդպիսի բաներ լինեն, որովհետեւ այստեղ ոչ թե քաղաքականացված թեմաներ են, այլ զուտ հանրային շահերի համար է, ամեն մեկը պետք է իր անձի համար պատասխան տա»:
Կարդացեք նաև
«Ոչ թալանին» նախաձեռնության անդամները Հայաստանի Հանրապետության դրոշներով Մալաթիա-Սեբաստիա վարչական շրջանում է՝ բարձրախոսով քաղաքացիներին տեղեկացնելով նախատեսվող էլեկտրաէներգիայի սակագնի թանկացման եւ իրենց հավաք-երթի մասին:
Ամի ՉԻՉԱԿՅԱՆ
