Սարիգյուղում եւ Խաշթառակում՝ ավագանու ընտրություններ
Տավուշի մարզպետ Հովիկ Աբովյանը մայիսի 19-ին որոշում է ընդունել, որ սեպտեմբերի 13-ին Իջեւան քաղաքում տեղի կունենան համայնքի ղեկավարի հերթական ընտրություններ: Այդ օրը Իջեւանի տարածաշրջանի Խաշթառակ եւ Սարիգյուղ համայնքներում կկայանան ավագանու ընտրություններ: Եթե սեպտեմբերի 13-ին Իջեւանի գործող քաղաքապետ Վարդան Ղալումյանը չվերընտրվի համայնքի ղեկավար, նա,այնուամենայնիվ, մինչեւ դեկտեմբերի 21-ը կշարունակի պաշտոնավարել որպես քաղաքապետ:
Վ. Ղալումյանը քաղաքապետ է ընտրվել 2011թ. նոյեմբերի 13-ին: Տավուշի մարզի թիվ 41 ընտրատարածքային ընտրական հանձնաժողովի նախագահ Աիդա Սարգսյանն ասաց,որ Իջեւանում համայնքի ղեկավարի ընտրությունները սեպտեմբերի 13-ին են նշանակվել,քանի որ ՏԻՄ հաջորդ ընտրությունները պետք է կայանան դեկտեմբերի 6-ին: Նա հայտնեց, որ օրենքի համաձայն՝ համայնքապետի ընտրությունները պետք է նախորդեն, ոչ թե հաջորդեն համայնքի ղեկավարի նախորդ ընտրությունների օրվան:
Ոսկան ՍԱՐԳՍՅԱՆ
Ես չեմ տեսնում Իջևանում ինչ որ մեկին, որը կարող է նույնիսկ մրցակից լինել Իջևանի գործող քաղաքապետ Վարդան Ղալումյանին:Այնպես որ իմաստ չունի չընտրվելու մասին խոսել:
Մի շտապեք կարծիքներ կազմել; 1999-ից մինչև օրս Իջևանում քաղաքապետի ընտրությունները միշտ թեժ պայքարում են անցել, իսկ հիմա Վարդան Ղալումյանին Բարգավաճ Հայաստանը չի աջակցելուուուու………