Ռուբեն Մեհրաբյանը ՀԷՑ-ի շուրջ ստեղծված խնդիրների լուծման տարբերակ է առաջարկում` նոր «գույք պարտքի դիմաց»
Ինչպես Հայաստանի իշխանությունների կողմից, այնպես էլ օրերս Ռիգայում կայացած «Արեւելյան գործընկերության» գագաթնաժողովի շրջանակներում հնչում էին կարծիքներ, թե ԵՏՄ-ին մեր երկրի անդամակցությունը կարելի է համատեղել ԵՄ-ի հետ նոր իրավական հիմքի ձեւավորման հետ:
Արդոք «համատեղելի՞» է այս երկու կառույցների հետ լիարժեք համագործակցությունը:
Քաղաքական եւ միջազգային հետազոտությունների կենտրոնի փորձագետ Ռուբեն Մեհրաբյանը Aravot.am-ի հետ զրույցում ուշագրավ դիտարկում արեց.
Կարդացեք նաև
Քաղաքական եւ միջազգային հետազոտությունների կենտրոնի փորձագետ Ռուբեն Մեհրաբյանը
«Հնարավոր չէ մերձենալ Եվրոպայի հետ, «տանը» հանդուրժելով կիսագրագետ, անպատասխանատու, կրիմինալ-օլիգարխիկ խավի եւ նրանց հետ ընկերացած՝ ռուսական պետական կազմակերպությունների կամայականությունները: Ռուսական ՀԷՑ-ի հետ կապված խայտառակությունը դրա վառ օրինակն է: Այդ ընկերությունը տարիներով զբաղվել է Հայաստանի էներգահամակարգի պարզ եւ անսահմանափակ թալանով, կուտակելով մոտ քառորդ միլիարդ դոլարի պարտք:
ՀՀ Նախագահ Սերժ Սարգսյանը եւ «Գազպրոմ» ԲԲԸ վարչության նախագահ Ալեքսեյ Միլլերը
Հարցի լուծումը մակերեսին է. կամ այդ ռուսական պետական ընկերությունը պետք է հատուցի իր դուստր ձեռնարկության գործած սխալների կամ հանցագործության համար, կամ՝ «գույք պարտքի դիմաց», այն է. գույքը եւ ակտիվները հետ հանձնի Հայաստանի Կառավարությանը եւ չքվի այստեղից: Կգնա՞ դրան իշխանությունը: Կգնա՛, եթե ստիպի հասարակությունը»:
Ռուբեն Մեհրաբյանի հետ հարցազրույցն ամբողջությամբ կարդացեք վաղվա տպագիր «Առավոտ»-ում:
Էմմա ԳԱԲՐԻԵԼՅԱՆ
