Լրահոս
Օրվա լրահոսը

Ոստիկանական շներ ՝ Գյումրիում նախագահի անվտանգությունը ստուգելու համար

Մայիս 25,2015 17:56

Այսօր ՀՀ ոստիկաններն ու նախագահ Սերժ Սարգսյանի անվտանգության աշխատակիցներն առավել, քան երբեւէ խիստ էին հավատարմագրված լրագրողների ու նախագահին սպասող պաշտոնյաների նկատմամբ: Նրանք բացել էին տալիս ու ստուգում լրագրողների պայուսակները, նոր միայն թույլատրում էին մուտք գործել Գյումրու տեխնոլոգիական կենտրոն, ուր պիտի այցելեր Սերժ Սարգսյանը:

Vost_2

Չնայած բոլորին հատ-հատ ստուգեցին, նոր միայն թույլատրեցին տեղափոխվել տեխնոլոգիական կենտրոնի հարեւանությամբ գտնվող «Դ-Լինկ ինթերնեյշնլ» ընկերության նորակառույց շենքի բակ, սակայն սա կարծես թե բավարար չեղավ. քիչ անց ոստիկանները ոստիկանական շուն բերեցին հոտոտելու թե՛ Գյումրու տեխնոլոգիական կենտրոնի շենքը, եւ թե՛ «Դ-Լինկ ինթերնեյշնլ» ընկերության նորակառույց շենքն ու վերջինիս բակը:

Սա փոքր- ինչ զարմացրեց լրագրողներին ու նախագահին սպասող պաշտոնյաներին. մի կողմից հասկանալի է, որ շունը հայտնվեց երկրի առաջին դեմքի անվտանգության նկատառումներից ելնելով, սակայն մեկը մյուսին հարց էին տալիս, թե ինչո՞ւ է նախագահը հատկապես վախենում գյումրեցիներից:

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2015
Երկ Երե Չոր Հնգ Ուրբ Շաբ Կիր
« Ապր   Հուն »
 123
45678910
11121314151617
18192021222324
25262728293031