Գուցե Գորիսն անվտա՞նգ դարձնեն, հետո՝ խելացի (Տեսանյութ)

Քաղաքաշինության նախարարությունը որոշել է Գորիսը «Խելացի քաղաք» դարձնել:

Սա նախարարության պիլոտային ծրագրերից է:

Aravot.am-ն այսօր քաղաքաշինության նախարար Նարեկ Սարգսյանից հետաքրքրվեց՝ հաշվի առնելով Գորիսում եւ նրա տարածաշրջանում տեղի ունեցած դեպքերը՝ սպանություններն  ու ծեծը, որոնց մեջ ներգրավված են Սյունիքի մարզպետ Սուրիկ Խաչատրյանի ընտանիքի անդամներն ու մտերիմները, իսկ Խաչատրյանի առանձնատունն էլ հենց Գորիսում է, գուցե այդ քաղաքը պետք է նախ անվտանգ ու ժողովրդավար դարձնել, հետո նոր խելացի:

Մեր այս հարցին ի պատասխան պարոն Սարգսյանն ասաց՝ «Լավ, ձեր հումորը հասկանում եմ»: Մինչդեռ մենք ամենեւին էլ հումորով չտվեցինք մեր հարցը, նույնիսկ դեմքի լուրջ արտահայտությամբ:

Հետո պարոն Սարգսյանը շարունակեց պատմել Գորիսի մասին: Մենք հետաքրքրվեցինք՝ ինչո՞վ է «Խելացի Գորիսը» տարբերվելու մյուս քաղաքներից, ծրագիրն իրականացնելուց  հետո: Նարեկ Սարգսյանի պատասխանը՝ տեսանյութում

Նելլի ԲԱԲԱՅԱՆ