Այսօր ժամը 21.00-23.00-ը Երևանում և ՀՀ մարզերում անցկացվեց «Մութ ժամեր» ակցիան՝ ընդդեմ էլեկտրաէներգիայի թանկացման: Տասնյակ սրճարաններ, հարյուրավոր բնակարաններ նշված ժամերն անցկացնում էին մոմի լույսի տակ:
Մուսկաթ սրճարանում ժամը 21:00-ից անցկացվեց «Մութ ժամեր» ֆլեշմոբը: Ընթրիք՝ մոմի լույսի տակ, կամ պայքարի նոր տարբերակ:
Aravot.am-ը մասնակցեց ֆլեշմոբին: Սրճարանի աշխատակից Վահագն Գևորգյանը մեզ հետ զրույցում տեղեկացրեց, որ բոլոր սեղանները նախապես պատվիրված են եղել: Սրճարան այցելող բոլոր քաղաքացիները դեմ էին արտահայտվում հոսանքի թանկացմանը և վստահեցնում, որ թույլ չեն տալու՝ էլեկտրացանցերն իր կուտակած պարտքերը մարի քաղաքացիների հաշվին:
Վահագն Գևորգյանը նշեց, որ իրենք միացել են քաղաքացիական ակտիվիստների «Մութ ժամեր» նախաձեռնությանը, քանի որ վստահ են, որ արդյունքի հասնելու են, մանավանդ, որ դրա նախադեպը կա, երբ քաղաքացիներն իրենց պայքարի միջոցով հասան նրան, որ չթանկանա, օրինակ, ուղեվարձը:
Կարդացեք նաև
Ֆինանսիստ Էդուարդը ևս դեմ է էլեկտրաէներգիայի թանկացմանը, նա հույս ունի, որ պայքարն արդյունքներ տալու է:
Ծրագրավորող Հայկը հեգնեց, թե այս իրավիճակը գալիս է նրանից, որ «չինովնիկները դժվարությամբ են կարողանում իրենց հաճույքներից հեռու մնալ, թանկ մեքենաներ են, թանկ ծախսեր: Մի քիչ մեզ նեղություն տանք, որ մարդիկ կարողանան այդ ծախսերի տակից դուրս գալ»:
Տաթև ՀԱՐՈՒԹՅՈՒՆՅԱՆ
Երկու ժամ մոմի լույսի տակ սրճարանում ՝ դա ռոմանտիկ է, իսկ փորձե՞լ եք երկու տարի մոմի լույսի տակ: Ես փորձել եմ,մեղմ ասած շատ տհաճ էր: