Շիրակի մարզի Սառնաղբյուր գյուղի բնակիչները էլեկտրաէներգիայի սակագնի հնարավոր թանկացման դեմ իրենց բողոքը արտահայտել են երեկվանից «Մութ ժամեր» ակցիային միանալով: Նրանք երկու ժամով ՝ժամը 21:00-23:00-ին անջատել են իրենց տան հոսանքը: Նրանցից մի քանիսը վստահեցրեցին, որ էլեկտրաէներգիայի թանկացման դեպքում ընդհանրապես կհրաժարվեն սպառումից, քանի որ գյուղովի վարկերի տակ «ճռռում են»,ապրելու հնարավորություն չունեն, իրենց պարտքերը չեն կարող տալ, էլ ուր մնաց ուրիշների թալանածի պատճառով ավել փող վճարեն:
«Լապատկեն ձեռքերս իշություն անենք, ՀԷՑ աշխատակիցներին ասենք տարեք, կուլ տվե՞ք, կարտոլն ու քյալամը եղավ, կապրինք, չէ, չենք ապրի, մեզ որտեղի՞ց, որ էդքան լույսի փող մուծենք»,- նեղվեցին գյուղացիները: Նրանցից մեկն ասաց, որ իրենց եկամտի միակ աղբյուրը Ռուսաստանն էր, որի ճամփան ցավալիորեն փակվեց իրենց գյուղի բնակիչների առաջ, մեծ մասին դեպորտ են խփել: «Թոշակս չի հերիքում, հազիվ եմ էլեկտրաէներգիայի ու հեռախոսի վարձ տալիս, մեր ընտանիքում աշխատող ձեռք չկա, եթե լույսը թանկանա, ահավոր վիճակ կլինի, մենք էլ լույսերը կանջատենք, մութ ու խավարի մեջ կնստենք», -ասաց գյուղացիներից մեկը:
Կարդացեք նաև
Մանրամասները տեսանյութում
Նունե ԱՐԵՎՇԱՏՅԱՆ
