Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արշակ Վարդանյանն ավարտված համարեց Արթուր Սարգսյանի դատաքննությունը:
Սարգսյանը դատապարտվել է 9 տարվա ազատազրկման:
Ա. Սարգսյանին մեղադրանք էր առաջադրվել այն բանի համար, որ նա ներկայանալով որպես ՀՀ կառավարության իրավաբանական վարչության պետ, պաշտոնատար անձ, իսկ որոշ դեպքերում` ձեռնարկատիրական գործունեությամբ զբաղվող անձ, 2008թ. սեպտեմբերից մինչեւ 2012թ. մարտը ներառյալ ժամանակահատվածում, տարբեր ֆիզիկական եւ իրավաբանական անձանց հետ գործարքներ կատարելու պատրվակով, խարդախությամբ` խաբեության, վստահությունը չարաշահելու եղանակով, կատարել է առանձնապես խոշոր չափերով ուրիշի գույքի հափշտակություններ: Հայաստանում ավելի քան տասը հայտնի շինարարական ընկերությունների տնօրեններից ստացել էր տասնյակ հազարների հասնող դոլար գումար՝ իբր վարկեր ձեւակերպելու եւ անշարժ գույք ձեռք բերելու համար:
«Առավոտ» օրաթերթ
27.05.2015
