Լրահոս
Օրվա լրահոսը

Զեպ Բլատերի գլխին սեւ ամպեր են կուտակվել

Մայիս 28,2015 12:38

Այսօր Ցյուրիխում բացվում է ՖԻՖԱ-ի 65-րդ համաժողովը, որի օրակարգային գլխավոր հարցերից մեկը նախագահի ընտրությունն է:

Համաժողովի աշխատանքը սկսվելու է վաղը, սակայն Ֆուտբոլային ասոցիացիաների միջազգային միության գործող նախագահ Զեպ Բլատերի գլխին սեւ ամպեր են կուտակվել եւ ամենայն հավանականությամբ այս համաժողովը նրա համար վերջինը կլինի:

Անգլիայի ֆուտբոլային ասոցիացիայի նախագահ Գրեգ Դայքը արդեն Զեպ Բլատերին հորդորել է հրաժարական տալ: «Նա պետք է հրաժարական տա կամ պարտվի նախագահական ընտրություններում: Կամ էլ մենք պետք է երրորդ ճանապարհ գտնենք: ՖԻՖԱ-ին հասցված վնասը ահռելի է եւ այն վերականգնել հնարավոր չէ: ՈՒԵՖԱ-ն աշխատելու է արագացնել նրա հեռանալը», – հայտարարել է Գրեգ Դայքը:

Միջազգային լրատվամիջոցները տեղեկացնում են նաեւ, որ ՖԻՖԱ-ին մոտ գտնվող հովանավորները նույնպես ուժեղացրել են ճնշումը համաշխարհային ֆուտբոլի ղեկավար կազմակերպության վրա՝ խիստ մտահոգություն հայտնելով ստեղծված իրավիճակի համար: Դրանք են Visa-ն, Coca-Cola-ն, Adidas-ը, Nike-ն, Hyundai-ն, Sony-ն եւ McDonald`s Crop-ը:

Աշոտ ՀԱԿՈԲՅԱՆ

Լուսանկարը՝ Reuters-ի

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2015
Երկ Երե Չոր Հնգ Ուրբ Շաբ Կիր
« Ապր   Հուն »
 123
45678910
11121314151617
18192021222324
25262728293031