Լրահոս
Օրվա լրահոսը

Ալեքսանդր Պոլիվանով. «Նոր ձեւաչափերը կենդանացնում են խմբագրությունը»

Մայիս 28,2015 17:02

«Թվապատում» միջազգային մեդիա կոնֆերանսին մայիսի 28-ին ներկա էր նաեւ «Մեդուզա» meduza.io կայքի ներկայացուցիչ Ալեքսանդր Պոլիվանովը:

Նա կոնֆերանսի ընթացքում ներկայացրեց «Մեդուզա» կայքի փորձը, նրա նոր նախագծերը: Ալեքսանդր Պոլիվանովը նկատեց, որ վեց ամիսների ընթացքում կայքի տաս ամենակարդացված նյութերից միայն երկուսն են լուրեր, մնացածը՝ նախագծեր են:

«Շատ կարեւոր է նոր ընթերցողների գրավել, որոնք հետագայում մշտական ընթերցող են դառնալու: Մենք շատ լավ փոխարկում ունենք. ընթերցողների տաս տոկոսը դառնում է մեր հավատարիմ ընթերցողը: Այսինքն՝ նոր նախագծերի հաշվին մենք ավելացնում ենք մեր գլխավոր արտադրանքի նորությունների այցելությունները»,- ասաց նա:

Ալեքսանդր Պոլիվալովի կարծիքով՝ նոր ձեւաչափերը կարեւոր են խմբագրությունների համար. նրանք կենդանացնում են խմբագրությունը. «Նոր ձեւաչափերը ստեղծում են խմբագիրը, դիզայները եւ ծրագրավորողը: Եթե կարողանաք ստեղծել թիմ, որտեղ խմբագիրը, դիզայները եւ ծրագրավորողը միասին՝ որպես թիմ են աշխատում, դուք երջանիկ խմբագրություն եք: Դա ամենակարեւորն է, որը դեռ մեզ մոտ չի ստացվում: Երբ նրանք միասին սկսում են հորինել ինչ-որ բաներ, դուք իսկապես երջանիկ կլինեք: Ուրեմն՝ նոր նախագծերը բերում են երջանկություն եւ նոր լսարան»:

«Թվապատում» միջազգային մեդիա կոնֆերանսը շարունակվելու է նաեւ ուրբաթ՝ մարտի 29-ին:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2015
Երկ Երե Չոր Հնգ Ուրբ Շաբ Կիր
« Ապր   Հուն »
 123
45678910
11121314151617
18192021222324
25262728293031