Լրահոս
Օրվա լրահոսը

Թեւան Պողոսյան. «Ռիգայի գագաթնաժողովը Հայաստանին հնարավորություն է տվել» (Տեսանյութ)

Մայիս 30,2015 13:49

«Ռիգայի գագաթնաժողովը Հայաստանի համար ունեցել է մի քանի դրական արդյունք»,- մայիսի 30-ին «Բլից ինֆո» մամուլի ակումբում լրագրողների հետ հանդիպման ընթացքում հայտարարեց ԱԺ պատգամավոր Թեւան Պողոսյանը:

Ըստ նրա՝ այդ դրական արդյունքներից է այն, որ Եվրամիությունը հավատարիմ է մնացել իր նոր ղեկավարության որդեգրած ճկուն քաղաքականությանը ամեն երկրի անհատական մոտեցումներին:

«Ինձ թվում է, որ այս անգամ բանակցությունները ավելի կարճաժամկետ կլինեն, ավելի հեշտ ընթացող: Հույս ունենանք, որ մինչեւ 2015 թվականի ավարտը կունենանք նոր համապարփակ իրավական փաստաթուղթ՝ Հայաստան-Եվրամիություն համագործակցության համար: Ուրախ եմ, որ այդ փաստաթուղթն ունենալու է ոչ միայն քաղաքական բաղադրիչ, այլ նաեւ տնտեսական՝ հաշվի առնելով բոլոր այն սահմանափակումները, որոնք Հայաստանն իր առջեւ ունի Եվրասիական տնտեսական միությանն անդամակցելու պատճառով»,- ասաց նա:

Թեւան Պողոսյանի խոսքերով՝ գագաթաժողովի հաջորդ դրական ազդեցությունն այն է, որ Հայաստանը վիզաների դյուրացման ծրագրից հնարավորություն կունենա անցնելու վիզաների ազատականացման ծրագրին: Նա առանձնացրեց նաեւ Հայաստան-Եվրամիություն ավիացիոն գործընկերության հնարավորությունները. «Մենք ավելի պարզ լեզվով ասում ենք բաց երկնքի քաղաքականություն: Հայաստանը մի քանի երկրների հետ արդեն ունի ստորագրած պայմանագրեր, բայց այս անգամ հնարավորություն կունենանք ամբողջ Եվրամիության երկրների հետ՝ ինչպես ամբողջ տարածք օգտագործել բաց երկնքի քաղաքականությունը»:

Նա նկատեց, որ այն բոլոր ձեւակերպումները, որոնք տեղ են գտել հռչակագրում, չեն պարունակում Հայաստանի համար որեւէ անընդունելի իրավիճակ:Նա հավելեց, որ Ռիգայի գագաթնաժողովը Հայաստանին հնարավորություն է տվել, իսկ թե ինչքան Հայաստանը դա կօգտագործի, կախված է քաղաքական պատրաստակամությունից եւ ռիսկից. «Եվրամիության կողմից ոնց որ թե կա պատրաստակամություն, մեր կողմից կա պատրաստակամություն, մնում է կյանքի կոչենք»:

Ամի ՉԻՉԱԿՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Մայիս 2015
Երկ Երե Չոր Հնգ Ուրբ Շաբ Կիր
« Ապր   Հուն »
 123
45678910
11121314151617
18192021222324
25262728293031