Լրահոս
Օրվա լրահոսը

Սամվել Մարտիրոսյան. «Մեր կրթական համակարգը չի կարողանում ՏՏ ոլորտի մասնագետներ ապահովել»

Մայիս 30,2015 16:37

«Տեղեկատվական տեխնոլոգիաների ոլորտում այսօր ամբողջ աշխարհում կա որակյալ մասնագետների պակաս: Դրա համար օրինակ Եվրոպական երկրները, ԱՄՆ-ն սկսել են ավելի արտոնյալ պայմաններով թույլ տալ այս ոլորտի աշխատողներին դրսից գալ: Դա ամբողջ աշխարհի խնդիր է»,- այս մասին Aravot.am-ի հետ զրույցում ասաց տեղեկատվական անվտանգության փորձագետ Սամվել Մարտիրոսյանը:

Ըստ նրա՝ այլ հարց է, որ մենք չպետք է նայենք ուրիշների մոտ վատ է, թե լավ է: «Մենք պետք է այդ հարցը լուծենք: Արտագաղթը իր հերթին այս հարցում դերակատարություն ունի, բայց ասում են, որ այս ոլորտում այդքան էլ մեծ չէ: Մեր կրթական համակարգը նույնպես չի կարողանում մասնագետներ ապահովել, քանի որ այսօր այն շատ իներցիոն է»:

Այսօր Երեւանում մեկնարկեց թվով յոթերորդ «Բարքեմփ Երևան» ամենամյա չկոնֆերանսը։ Այն միջազգային կոնֆերանս է, որը մեկ հարկի տակ է հավաքում Հայաստանի ինտերնետ-հանրության ներկայացուցիչների` ծրագրավորողների, ինտերնետային մարքեթինգի եւ դիզայնի մասնագետների, բլոգերների, լրագրողների, առցանց հրատարակիչների:

Մեր այն հարցին, թե այս եւ նմանատիպ այլ միջոցառումները նոր հնարավորություններ են միայն ծրագրավորողների համա՞ր, թե՞ բիզնեսմեններն էլ են հետաքրքրված, պարոն Մարտիրոսյանը պատասխանեց. «Նրանք ներկա են այստեղ: Մենք աշխատանքային շուկա ենք անում ու բազմաթիվ կազմակերպություններ հիմա այստեղ մարդ են փնտրում: Եթե ուրիշ ոլորտներում գործազրկությունն է մեծ, այստեղ հակառակն է, այսինքն՝ պահանջը շատ է, բայց մասնագետների պակաս կա, դրա համար մեկը մյուսից գողանում են աշխատողներին»:

Աշոտ ԻՍՐԱԵԼՅԱՆ

Լուսանկարը՝ Արթուր Պապյանի

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2015
Երկ Երե Չոր Հնգ Ուրբ Շաբ Կիր
« Ապր   Հուն »
 123
45678910
11121314151617
18192021222324
25262728293031