Շիրակի մարզի Աշոցքի տարածաշրջանի գյուղացիները, որոնք այսօր բողոքի էին դուրս եկել կաթի գնանկման դեմ, հատ-հատ անդրադառնալով երկրի բոլոր բարձրաստիճան պաշտոնյաներին՝ նախագահին, վարչապետին, գյուղնախարարին, շոշափեցին նաեւ արտագաղթի թեման: Գյուղացիների համոզմամբ, Աշոցքի տարածաշրջանում մնացել են միայն մեռելներն ու մեռել թաղողները, իսկ Գյումրիում, հատկապես իրիկվա ժամերին, տաքսու վարորդներն ու շները:
Ըստ նրանց, այս երկրում այլեւս սպառողներ չկան, գյուղատնտեսական ոչ մի ապրանք չի վաճառվում, ապրելու ամենախայտառակ պայմաններ են ստեղծված հատկապես Վրաստանին սահմանամերձ այս տեղանքում:
«Մեր գյուղից 400 հոգի գնացել են, մենք պլեն ենք ստեղ, ճիշտ աշխատեք էլի, գյուղացին սոված է, աշխատանք չկա, գյուղացին պարապությունից մնացել է պատերի տակ, տեսնում եք թուղթ են խաղում, մնացել են մենակ բիձեքը: Էդ էլ (տեսախցիկի առաջ չեն հստակեցնում, թե խոսքը ում մասին է) փոշի կաթը, որ բերել է Հայաստան, էդ ո՞ւմ պտի կերցնի, երբ որ Հայաստանը աքսորել է արտասահման», -ասաց գյուղացիներից մեկը: Մյուսն էլ հավելեց. «Ռեմոնտ պտի անեն Հայաստանը, դրա համար են աքսորել»:
Մանրամասները տեսանյութում`
Կարդացեք նաև
Նունե ԱՐԵՎՇԱՏՅԱՆ
