Լրահոս
Օրվա լրահոսը

«Ի՞նչ եք ուզում Ծառուկյանից, թողեք հանգիստ աշխատի». Շարմազանովը՝ լրագրողներին

Հունիս 04,2015 22:16

էլեկտրաէներգիայի սակագնի թանկացման վերաբերյալ խորհրդարանական լսումների բաց թե փակ լինելու հարցը կորոշեն պատգամավորները: Այսօր ՀՀԿ ԳՄ նիստից հետո լրագրողներին ասաց ԱԺ փոխնախագահ, ՀՀԿ խոսնակ Էդուարդ Շարմազամովը. «Կարծում եմ՝ եթե մեր խնդիրը հարց լուծելն է, ոչ թե շոու անելը, պետք է փակ լինի»:

ՀՀԿ խոսնակը կրկնեց՝ իշխանությունը կողմնակից չէ անհիմն թանկացումներին. «Դեռ չտեսած թանկացումները՝ թանկացումների մասին մի խոսեք»:

Ինչ վերաբերում է թանկացումից դժգոհողների հայտարարությանը, թե եթե թանկացում լինի, իրենք չեն ընդունի այս իշխանություններին, Շարմազանովը շարունակեց. «Առաջին հերթին մեզ ձեռք չի տալիս, որ թանկացում լինի»:

Անդրադառնալով ՀԷՑ-ի տնօրեն Եվգենի Բիբինի ՀՀԿ խմբակցության հետ հանդիպմանը՝ պարոն Շարմազանովը կարծիք հայտնեց, որ 17 դրամը օբյեկտիվ առաջարկը չէ, որ արվել է. «Բայց  սա իմ տպավորությունն է, իսկ իմ տպավորությունը մասնագիտական չէ»:

Հարցին, իսկ ինչո՞ւ էր «Հայաստան» կինոթատրոնի բացման օրը Սերժ Սարգսյանը Գագիկ Ծառուկյանի կողքին, երբ ավելի վաղ նրան չարիք էր համարում, տարօրինակ չէ՞, պարոն Շարմազանովը դիտողություն արեց՝ կոռեկտ չէ ձեր հարցը. «Եթե լավ լրագրող եք, ապա ինձ համար զարմանալի է ձեր նման հարցադրումը… Գագիկ Ծառուկյան գործչի թեման մեզ համար փակված է, ի՞նչ եք ուզում Գագիկ Ծառուկյանից, էն մարդը քաղաքականությունից դուրս է եկել, թողեք հանգիստ աշխատի»:

Հարցին, թե հիմա ինչ հարաբերությունների մեջ են Գագիկ Ծառուկյանն ու Սերժ Սարգսյանը, ՀՀԿ խոսնակը «կարճ կապեց». «Ի վերջո, փետրվարի 12-ին եղել են քաղաքական գնահատականներ, ավելացնելու բան չունեմ»:

 

Արփինե ՍԻՄՈՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2015
Երկ Երե Չոր Հնգ Ուրբ Շաբ Կիր
« Մայիս   Հուլ »
1234567
891011121314
15161718192021
22232425262728
2930