Լրահոս
Օրվա լրահոսը

«Չի՞ վախենում, որ այդ խոսքերի համար պատասխան է տալու». Արձագանքում է Սյունիքի մարզպետի խորհրդականին

Հունիս 14,2015 18:17

Սդղի Գյոլում Սյունիքի մարզպետ Սուրիկ Խաչատրյանի որդու՝ Տիգրան Խաչատրյանի մասնակցությամբ ծեծկռտուքից աչքի տեսողությունը կորցրած Հարութ Զաքարյանին Մոսկվայի բժիշկները դեռ ոչ մի դրական առաջընթաց չեն խոստանում:

Զաքարյան եղբայրների մայրը՝ Անահիտ Գալստյանը (լուսանկարում), Aravot.am-ի հետ զրույցում անդրադառնալով մարզպետի խորհրդական Վոլոդյա Հովհաննիսյանի պնդումներին, թե «Նա ոչ մի ծանր վիճակում էլ չէ, տեսողությունն էլ չի կորցրել: Այդ բոլոր լուրերը իրականությանը չեն համապատասխանում», իսկ մարզպետի որդի Տիգրան Խաչատրյանն էլ կատարվածի հետ կապ չունի, զայրացավ. «Բա էդ ամենն ո՞վ է կազմակերպել, եթե ինքը էնտեղ չի եղել, ո՞վ է էնտեղ եղել, ոնց՝ էնտեղ չի եղել, ոնց կարելի է նման բաներ ասել: Մարզպետի տղան հիմա որպես վկա է ներկայանում, ոնց թե որպես վկա, կազմակերպիչը որպես վկա՞ է ներկայանում»:

Նա պատմեց, որ Մոսկվայում գտնվող որդու աչքը պահպանվում է. «Աչքի վիճակը նորմալ է, ուղղակի տեսողությունը չկա: Իսկ մարզպետի խոսնակը, որ ասում է՝ տեսողությունը կա, ծնողները սուտ են ասում, ի՞նչ է մենք էստեղ խաղ ենք անում, տունտունի՞կ ենք խաղում: Ծնողներն են ստո՞ւմ, թե՞ ինքը, իսկ չի՞ վախենում, որ այդ խոսքերի համար պատասխան է տալու: Ամբողջ ընտանիքիս անդորրը խախտվել է»:

Նա ասաց, որ բժիշկները շարունակում են ամեն ինչ անել՝ տեսողությունը վերականգնելու համար. «Այս պահին ոչ մի հույս չկա, բժիշկը դեռ ոչ մի բան չի ասում, միայն ասում են՝ կերեւա վիրահատությունից վեց ամիս հետո»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Վարազ Սյունի (Ամստերդամ) says:

    Լիսկայի «խորհրդական» Վոլոդյա Հովհաննիսյանը ուղղակի անտանելի է դառնում. էս մարդը չի՞ հասկանում,որ բոլորը հասկանում են, որ ինքը անկախ չէ՛ ու իր ասածները միայն գրգռում են հասարակությանը:

Պատասխանել

Ամենաընթերցված

Օրացույց
Հունիս 2015
Երկ Երե Չոր Հնգ Ուրբ Շաբ Կիր
« Մայիս   Հուլ »
1234567
891011121314
15161718192021
22232425262728
2930